هذه ابيات رد ثنا كتبتها في شخص يستحق الكثير ولا توفيه الدواوين حقا وهو اخي الفاضل / هزاع عيد بن محمد الرويل العضياني ويستاهل ابو فيصل
يا هزاع يابن عيد يا معرب الجدين=انا اقول مايستغرب الطيب لاصحابه
تمد الوفاء يمناك ياصامل الزندين=عساها يمين تجنب العوق واسبابه
لك البيض تنشر وانت ماخذتها تثمين=فعولك يبن هزاع للبيض جلابه
مدام انت شبل للاسد عيد فالك زين=ورثت المراجل ورث ماجاتك انهابه
يابحر الندى بيت الكرم مزبن الجالين=ياعز الخوي والطيب في يدك مقضابه
انا افخر بخوتكم فالاقصين والادنين=ينومسني الطيب وخص من اعتابه
يالاد الرويل اهل النقا والقبول الزين=ياعز الرفيق اليا زما الضدلا طلابه
ياستر العذارا ياذرا الجار يالوافين=هل الطاس والنوماس للمجد كسابه
عسل للصديق وسم ارقط على العادين=وعلى الطيب بيت العز مسيتوا اطنابه
اسود من اولكم على المرجله ماشين=والافيكم اللي تايعاتنبه انسابه
لكم في سنام المجد بيت يشوق العين=حرار صواريم على الغلب غلابه
من الاد عاضي حي والله نبا الغالين=هل السيف ريف الضيف فتاله الجابه
يانعمين والله ياهل عمهوج يانعمين=صحيح النعم من قسمكم وانتم اولابه
وياهزاع لو امدحك منه ليوم الدين=ماوفيك حق ويرجع الطيب لاصحابه
وعبرت عن خافي ضميري لك ابيتين=مشاعر خوي ماجهل قيمه اصحابه
وسلامتكم
« آخـــر الـــمـــشـــاركــــات »
05-Feb-2010, 10:13 PM
يا نعمين والله ياهل عمهوج يا نعمين ... صحيح النعم من قسمكم وانتم اولابه
العرض الشجري