متعب العالي يمدح شمر

[حميد السجايا]

السلام عليكم ورحمة الله وبركاته
اليكم هذه القصيده المتواضعه وهي تعبر عن نفسها والمعذره على القصور

لو ماني بروقي وربعي عتيبه=كان اعتزيت بشمر اهل النواميس
اهل الطنا والطيب واهل الصعيبه=واهل القنا والخيل ذولا السناعيس
وقفاتهم تشفي الكبود العطيبه=وعدوهم ذاق العنا والتضاريس
الشمري لاجاك عزٍ وهيبه=ولامن نصيته مايعرف الكوابيس
تلقى العلوم الغانمه والغريبه=من خلقته ماصار خلف الكواليس
علم الردى والكاذب ماهو يجيبه=ولايعترف بالضيم وايا الجواسيس
ويامن تقول الشمري تعتزيبه= اقول ذولا عز عوّذ من ابليس
حنا وشمّر والوفى نكتسيبه=ونلّبس النوماس بالطيب تلميس
من غير قاصر فالرجال الرقيبه=كل العرب للمجد مثل الفوانيس

اخوكم الشاعر/متعب العالي

[طلال ناشي]

لو ماني بروقي وربعـي عتيبـه
كان اعتزيت بشمر اهل النواميس


صح ألسااااااانك يامتعب


وشمر ونعم مافيهم أقصور .....


تحياااتي

التوقيع

يامحمد الشوق يذبح والغلآ سنه = لآ لآ غلآهآ القصايد كيف أغنيهآ شقراً شعاهآ الغرآم وجات مستنه = ما كنها ألا فرسك اللي مربيهآ مشاعري في غلآها مالهآ منه = وآلله لو أشوفهآ لاحب رجليهآ طلآل نـاشي العـآلي talal945@hotmail.com

[حميد السجايا]

لاهنت اخوووي طلال صح بدنك
واشكرك على حضووورك الراااائع يالغالي

[أخو جوزا]

يسناهلون المدح


وصح لسانك يامتعب

التوقيع

قال الله تعالى: ﴿وَالْعَصْرِ * إِنَّ الإِنسَانَ لَفِي خُسْرٍ * إِلاَّ الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ ﴾

[حميد السجايا]

اخو جوزا شكرا لك لاهنت يالغالي على مرورك