قصيدة لأم عاشت و ماتت في دار المسنين !!!

[علي الشهراني]

قصيدة لأم عاشت و ماتت في دار المسنين ...

نثرت كل أحزانها بصوت الامومة ...

لولدها الذي رماها وتركها من أجل خاطر زوجتة التي رفضت العيش مع أمة ...

وتمر ثلاث سنوات ولم ترى فلذة كبدها ولو مرة واااحدة فكتبت هذة القصيدة

و لكن للاسف ماتت الام قبل ان يرا ولدها القصيده....

الام ماتت والقصيده سلمها الدكتور للولد وهو يستلم الجثة ...

يامسندي قلبي على الدوم يطريك =ما غبت عن عيني وطيفك سمايا
هذي ثلاث سنين والعين تبكيــك =ماشفت زولك زايرآ يا ضنايا
تذكر حياتي يوم أشيلك وأداريك =والاعبك دايم وتمشي ورايا
ترقد على صوتي وحضني يدفيك = ماغيرك أحدآ ساكنن في حشايا
وليا مرضت أسهر بقربك واداريك = ماذوق طعم النوم صبح ومسايا
ياما عطيتك من حناني وابعطيك = تكــبر وتكــبر بالامل يا مـنايا
لكن خسارة بعتني ليش وشفيك = وأخلصت للزوجة وأنا لي شقايا
أنا أدري أنها قاسية ما تخليك = قالت عجوزك ما أبيها معايا
خليتني وسط المصحة وأنا أرجيك = هذا جزا المعروف وهذا جزايا
ياليتني خــدااامةً بين أياديك = من شان أشوفك كل يوم برضايا

مشكور ياوليدي وتشكر مساعيك = وأدعي لكم دايم بدرب الهدايا
حمدان يا حمدان أمك توصيك = أخاف ماتلحق تشوف الوصايا
أوصيت دكتور المصحة بيعطيك = رسالتي وحروفها من بكايا
وأن مت لاتبخل علي بدعاويك = أطلب لي الغفران وهذا رجايا
وأمطر تراب القبر بدموع عينيك = ما عاد ينفعك الندم والنعايا

التوقيع

يا بو محمد وش عليه أتحسّر=لا مرقدٍ دافي و لا ماكلٍ حار احسلّي اقصْر في شفوفي و اكسّر=اخير لي من عيشة الغار و النار