ريميه ترد على ابن قضعان

[سيف الجعدة]

عندما سأل الشاعر ضيدان بن قضعان عن الشاعرات والعنصر النسائي في مقابله اجريت معه بقناة ابو ظبي قال ما نصه :-

(أنه لا توجد شاعرة واحدة على الاطلاق تستحق الاشادة والتميز والاعجاب وبالمختصر المفيد لا توجد

شاعرة تكتب القصيدة الشعبية بقلم انثوي من شاعرات اليوم اللاتي تغص بهن صفحات واغلفة مجلات

الشعر )

ردت عليه الشاعرة المعروفة ريمية بقصيدة قويه جدا :-



عشرين عام (ن) وانت تقصد ولا قلت
قول(ن) مع اهـل القـول خلّـد معانيـك

يـامـا تخمـشـت القصـايـد ولا طـلــت
منقـوفـة(ن) تمـلـح بـهـا كـبـد قـاريـك

مــن بـاهـت لـبـارد تـــراوح ولا زلـــت
ركضـك محلـك سـر والشعـر مخطيـك

لـو مـا نفـاق الـربـع والـلـي تشلـلـت
حـرام باهـل الشعـر مـا جيـب طاريـك

يــا كـثـر مــا تـرعـد ولا اخـبـر بـلـلـت
قلب(ن) من قلـوب(ن) دهتهـا قوافيـك

احالـو اهـل القـاف وازريـت مـا حـلـت
مهـزل سنـام الحـرف والريـف جافيـك

بالـوادي ابـو الشعـر تبـرق ولا سلـت
لا والبـلـى نـقّــاد مـــن قـــل والـيــك

لا قـلـت مــا فـيـنـا شـواعــر ودلـلــت
تحسبـك ابــن لعـبـون والا الصعيلـيـك

وش زودك عن البيـض لامنـك اغفلـت
حضـورهـن حـتـى تمـيـلـح دعـاويــك

يا شويعـر الهـزلات بالحمـل مـا ملـت
خـفــت مـوازيــن المـعـانـي بـايـاديـك

عشـريـن عــام(ن) بالـتـرزز ولا نـلـت
تـوهّـج المـبـدع وخـابــت مسـاعـيـك

يـا كثـر مـا تنشـر ويـا طـول مـا قـلـت
ولا مــلّــح الله بالـمـعـانـي مـعـانـيـك



منقوووووووووووووووووووووووول