لاصرت تزعل وانت غالي وأنا أخوك ! .., مافيه داعي يوم أجيك المخيـّـم ؟

[محمد الحمادي]

السلام عليكم ورحمة الله وبركاته ,

والله إني ما أبغى أنزلها في قصايد الأعضاء ,
بغيت أنزلها في قسم الشكاوي ,
كيبورديّه طبعاً ,

حافظ غلاك وحشمة أخوك وأبوك = وأصدّ لو جوّك عليــّــه مغيـّم
مْشّيت خوّتنا على جرّة الشوك = وأرخصت في قدري وأنا كنت قيّم
وإن كان مزحي صابك بـ : ظن وإشكوك = لابوه مزح ٍ من غلاك إمتليّم
وأنا يوم إن الناس صدّوا وخلوك = في خوّتك عن كل صاحب , متيّم
محلّك المذكور عامر ومبروك = يضحك به الرجّال جنب الغليــّم
وإن كان وصلت لـ : اللحى أسمع ودوك = كرامتي ماهيب موتر مجيّم !!!
لا صرت تزعل وأنت غالي وأنا أخوك = مافيه داعي يوم أجيك المخيـّـم

والعذر والسموحه

[ابن صنهوت]

صح لسانك يالحمادي

[محمد الحمادي]

صحححح قلبك يإبن صنهوووت

[صالح بندر الدعجاني]

ياطيب اللي يعرف اللي له واللي عليه مبدع يا الحمادي واناخوك وصح لسانك.......تقبل تحياتي

آخر تعديل صالح بندر الدعجاني يوم 26-Jan-2010 في 06:26 AM.

[حسن إبراهيم الدجيماء]

صح لسانك يالحمادي .. شاعر جزل قول وفعل ... لكن عندي ملاحظة على بيت واحد ياليت تراجعه :

(( وأنـــا يـــوم إن الــنــاس صــــدّوا وخــلــوك ** فــي خـوّتـك عــن كـــل صـاحــب , مـتـيّـم ))

كن فيه خلل من عند " وانا يوم ان الناس " ... لوقلت " وانا بعد مالناس صدوا وخلوك " كان سلم من الخلل.!


قصيدة رائعة يالحمادي ... والملاجظة للفائدة فقط .. وقد يكون كتابتك لها خطأ وانا قاريه خطأ .. مع اني متأكد انك مانت بقاصد .. أخوكـ : الدجيماء ..!!!

[علي الشهراني]

بيض الله وجهك


و الله لا يجيب الزعل يا الحمادي


صح لسانك و انتبه لملاحظة الاخ الدجيماء


و فالك الجنه

التوقيع

يا بو محمد وش عليه أتحسّر=لا مرقدٍ دافي و لا ماكلٍ حار احسلّي اقصْر في شفوفي و اكسّر=اخير لي من عيشة الغار و النار

[محمد الحمادي]

أنا يوم إن = أنا يومن


\
/

شاكر للتعقيب وصحت الأبداان

[فايز بن سرحان الثبيتي]

خمس نجوووم يالحمادي "

ماشاء الله تبارك الله "

بيض الله وجهك على الابداع الغير مستغرب فعلا جزاااله " وتمكن " ونقاء فكر " الله لا يضرك


في انتظار كل ماتطرح "

التوقيع

إذا شئت أن تحيا سليما من الأذى=وحظك موفور وعرضك صين لسانك لا تذكر به عورة امرىء=فكلك عورات وللناس السن وعينك إن أبدت إليك معايبا = فصنهاوقل يا عين للناس أعين وعاشر بمعروف وسامح من اعتدى=وفارق ولكن بالتى هى أحسن

[محمد الحمادي]

إبن سرحان ,

ولا مهونه فإلي عدّوا على الصفحه كل أبوهم ,

مير والله يا جيّتك إنها تسوى شئ ٍ واجد ,

وشهادتك مايحتاج أقول وشنهي بالنسبه لي ,

وسام , تاج , إلخ ,

لاهنت ,

[نمرً المقآطي ] ’]

شآعر يالحمآدي ! ، كتبت فأبهرت ~
قصيده جزله وتستاهل " خمس نجوِم " !!

ولا عليها آي آنتقآد ، غير الخلل البسيط اللي قآله اخوي :

" الدجيمآء " .. ع العموم آستمر ولا تحرمنا من قصآئدك الجزله ..




.