طلبتك

[الهجيني]

اصبحت في هذا الزمان البائس

لااعرف من انا

فقد انقلبت لدي الموازين !!!!

ياترى هل عرفتم من اكون

ارهااااابي

طلبتك ياكريم الوجه يارحمن ياوهاب=تقبل دعوة اللي يستجير بعدل وهابه
الايامنزل(ن) طه مع ياسين والاحزاب=تخارجنا من اللي كل يوم(ن) يجمع احزابه
انا عبدك ولد عبدك ومن قوم(ن) غدو اسلاب=تفرقهم جحافل حقد من الكفار واسلابه
انا اللي لاشكيت الظلم يسمونه كثير ارهاب=انا اللي كل هذا الكون عج بعجة ارهابه
انا الظالم ..انا الفاجر.. انا المجرم.. اناالكذاب=انا لمن اكلت الكف تصيح الناس كذابه
انا الباكي على الماضي انا الجالس على الأبواب= انا اللي كل هذي الخلق صكت دونها ابوابه
انا العاري من الداخل وبالخارج كثير ثياب=عجزت استر عرى نفسي وكل(ن) لابس ثيابه
انا الطفل الصغير اللي ينام وفي يديه العاب=ولامن فتح عيون لقى التدمير بالعابه
انا لمن طلبت الحق قالولي عليك حساب=متى التاريخ ينصفني من التقتير وحسابه
تحداني الزمان اللي يقول انه علينا غاب=وانا ماهمني وقفت زماني ووقفت غيابه
ابى اخذها على ماقالوا الأرزاق بالأسباب=عساها تعتدل ولاتروح بروحت اسبابه

وسلامتكم