قصيده فكاهيه للمعلمين

[زياد المزرمي]

الشعر وهبه والمشاعر براهين = والشاعر الموهوب ياصل مراده
سلام ياللي ساكن القلب والعين = قلبي فراش وعرق قلبي وساده
الصاحب اللي صحبته عدة سنين = مرت واخذنا من بعدها الشهاده
من جامعة هم الزمن والمعاوين = كلية اللي تحتفيه القراده
اللي مضالك يابيض الوجه ترمين = وانته من التعليم تبغى الافاده
وانا سلكت الدرب من فوق هيوين = عز الله اني شفت منه النكاده
اونست في صدري كما وخز سكين = وصبح الربوع اصبحت عند العياده
قالو علامك ؟ قلت ماوضعي بزين = مدرسٍ حازم وفيه الجلاده
قالو ماعمرك يالمطاري بعشرين = يمكن ورا العشرين عشره زياده
قلت الخبر ؟ قالو على الهون وتبين = الضغط زايد من ورا الماد ماده
والسكر اللي داخل الدم ميتين = وباقي تقاريرك مع الاخت غاده
ياشيب عيني شيبتنا الوراعين = من بينهم كني عمود الجراده
غادّلهم صيحات فالفصل وونين = هذا رمى هذا وهذا سناده
ونوب اشترك فرّاع من بين خمسين = واليا الشوش راحت سوات العراده
لا والله الا حبها عوّد طحين = حرب البسوس اللي بليا هواده
الضرب يمنع حسب كل القوانين = ما من سعاده عقب هرج (السعاده)
والراتب المحسود ما غاره الفين = مايدور يومه غير يعلن حصاده
تبغى الحقيقه مانبا اليوم تعيين = الرزق عند اللي يمد لعباده

التوقيع

عز الله اني فالوصل ماني بشي !! = ولا الحقوق .. اقولك عد واغلط !! دام المواجه حظ .. ويحالف الحـي = لابد مايحصل ( هلاوين وإقلـط ) زيـاد الـمـزرمـي ziadsm@windowslive.com

آخر تعديل زياد المزرمي يوم 15-Jan-2010 في 09:03 PM.