تصادم المشاعر

[بندر المرشدي]

ابيات سويتها بعد مانقلت من المنطقه الشرقيه
الى الراياض

واثقل علي فراق ابو تركي القريب من القلب

ناصر المرشدي

والغالين على قلبي واجد

مع انه سبقني بطيبه وان اكنت مجهز القصيده قبل اسمع قصيدته

اثر المشاعر تصطدم في بعضها=امس الفرح في خاطري صادم الضيق
حاولت افرق ركبهم واعترضها=بس الضمير يقول من غير تعليق
فرحان باحلام تحقق غرضها=زعلان لفراق الرجال المطاليق
الي على الطاعات ربي حفظها=امثال ابو تركي معد الشواهيق
اللي يمينه لو هلك ما قبضها=فيه الكرم وهبة وفطرة وتوفيق
وان ثقلت حمولي ووقتي فرضها=يشتالها لو كانت اثقل من طويق
من دون ما اطلب فزعته لي عرضها=واليا فزع يروي ضماء ناشف الريق
واليا استشرته بالخطط قال: خضها=وانا معك من دون كل المخاليق
وفي مجلسه ماني بلاقي عوضها=سوالف طرفه ومزح وطواريق
اسمه رفع روس الربع ما خفضها=لا مر ذكره قيل يحتاج تصفيق
مار اقفت اقدامي ونفسي غمضها=بعد الرفيق مفرق الهم تفريق

التوقيع

يامنتـدى الهيـلا علـى العـيـن والــراس=صــدري وسـيـع ومــن مـعـزتـك مـلـيـان لبـسـت مـعـروفـك مـثــل ثـوبــي لـبــاس=وزرعت لـك فـي داخـل القلـب بستـان الله يبـيـض وجــه مــن ثـبـت الـســاس=وحط الـك مـن فـوق العناويـن عنـوان اســم ومسـمـى خـتــم جـــودة ونـبــراس=يـسـمـع بـــه الاصـقــه ويـــرآه عـمـيــان مـــــا يـنـتـقـيـم بـالـجــواهــر والالـــمـــاس=ولا يـغــمــره بــحـــر الــقــوافــي والاوزان :: ديواني من إعداد الزميل/ عمر الدغيلبي ... بيض الله وجهه