حنا رجال الوطن حنا حماة الحدود

[ابو بشاير]

حنا رجال الوطن حنا حماة الحدود=لياوقفنا نضد العايل المعتدي
حنا جنود لبومتعب ونعم الجنود=ليا دعانا الملك كلا يجيه يعدي
عاداتنا مانخون وحافضين العهود=في صفنا مانميل ولاحدن يحتدي
مابيننا لاجبان ولاذليل شرود=ارواحنا في سبيل الله تقدم فدي
هذا كلام العتيبي يوم قدح الزنود=لاقالو الناس بان الضالم المبتدي
ركود يالحوثي المقرود بالله ركود=ياشين فالك وحضك ياردي مرتدي
لاتحسبن السعودي من عيال الزيود=من شوش بعقلك وقال البساط احمدي
حنا ترانا سوات السم فوق الكبود=ويدينك القاصره ولا الطويله يدي
لكن عود وراك ولاتزيد وتعود=تراك مهما تحاول مايلين اجهدي
والنصر باذن الله المعبود رب الوجود=حليفنا دام في شرع النبي نقتدي

آخر تعديل ابو بشاير يوم 30-Dec-2009 في 12:11 AM.