عيضه الثبيتي وفواز العزيزي والمعنى يوسف العصيمي والدويش وتركي 2000

[ابو فايح]

محاوره رائعه في مكه المكرمه كانت قبل فتره وبالتحديد بعد نهاية برنامج شاعر المليون النسخه الاولى

والحقيقه المعنى رائع ولكن تنظيم تلك الحفله لم يكن جيد بسبب وجود كثير من الشعراء والحفله كانت عند هذيل الطاروق لم يستمر طويلا بسبب مداخلة شاعر أعتقد إسمه عطالله السعيدي


المعنى كان يدور عما سمعناه جميعا وهو أن الدويش رئيس شركة الاتصالات أغلق التصويت عن بعض القبائل وبعض الشعراء ومنهم يوسف العصيمي وابن عبيان اليامي وأيضا شمل المعنى يوسف العصيمي وتركي 2000

عيضه الثبيتي

يا سلام الله بطاروق(ن) عتيبي من عتيبه = ويتخير فالهذيلي والمطاري والرياحي
المواقف لاهلها والنصر خير من الغليبه = من يبا سكر نبات ومن يبا سم(ن) ذحاحي

فواز العزيزي

مرحبا وان كان طاروقك عتيبي وش نبي به= انت صاحي مار بعض احيان والله منت صاحي
يالثبيتي شب نارك ثم جيب اللي تجيبه = خنذف اللي حايزين المجد من كل النواحي

عيضه الثبيتي

يالمطاري فيك خوف وفيك شك وفيك ريبه=مار جعل الله يعينك جايتك روؤس الرماحي
قبل خمس شهور يالمطران سويتوا مصيبه = تحسب انك بالغشش والزور تاصل للنجاحي

فواز العزيزي

انت مثل اللي على قبره يحطون النصيبه = ولا انا ما اترك لزومي فالمساء ولا الصباحي
لا تلحق لك رجال(ن) تدفن الطيب بطيبه = ياولد عم الغريب اللي مع الصمد البراحي

عيضه الثبيتي

والله لتخضع لنا برضاك ولا بالغصيبه = أنت لو تطلب سماح القوم ما تلقى سماحي
لا تقول إنه غريب ولا بها حاجه غريبه = الغريب إليا تقدم بالعرب مهبول ناحي

فواز العزيزي

وا حليله وا حليله جرب الكذب وضري به = يا عتيبه وش نبا بالطير مكسور الجناحي

التوقيع

عالم تويتر abofayeh@

[عبدالله الاصعر]

ابوفايح

المعنى في وجهة نظري ماهو صحيح

ولايجوز لنا ان نتلحق القبايل وشعارها...

التوقيع

ربعي كما الحيد الطويل النايف=ارقاء براسه وانسدح في ضله ليا بنو بنيً على مقلطهم=يبنون بنيً ماحد(ن) يفله الشاعر/عبدالمعين الثعلي رحمه الله al-aser11@hotmail.com

[ماجد العصيمي]

تسلم يمينك يابو فايح نبغا الموضوعات اللي مثل كذا ولوتجيب طواريق الشعراء الكبار يكون احسن



المعنى واضح ولايبغاله تحليل وانا اتفق مع تحليل ابوفايح


يالاصعر عطنا تحليلك للقاف

[فايز بن سرحان الثبيتي]

بيض الله وجهك يابو فايح



والمعنى صعب التكهن به من خلال الابيات

الا ان كان هناك معلومه تفك رموزه



تحيتي لتوهجك

التوقيع

إذا شئت أن تحيا سليما من الأذى=وحظك موفور وعرضك صين لسانك لا تذكر به عورة امرىء=فكلك عورات وللناس السن وعينك إن أبدت إليك معايبا = فصنهاوقل يا عين للناس أعين وعاشر بمعروف وسامح من اعتدى=وفارق ولكن بالتى هى أحسن

[صاهود]

تسلم يمينك يابوفايح

وصح السان شاعري المفضل عيضه الثبيتي وصح السان العزيزي شاعر ماعليه كلام

لكن المعنا غير واضح الطاروق مادرج شوي

حتي تبين الامور


من خلال الطاروق لم يتضح شي

والعلم عند عيضه الثبيتي هو اللي يفسر لنا

[مرزوق الجعيد]

تسلم يمينك يبو فايح

وتحليلك في محله

دائما مبدع

اوافقك الراي

تقبل شكري وتقديري

[الشــاهد]

ابو فايح نعم تفسيرك 100%

مشكور على المحاورة وتوضيح المعنى

[شمروخ ابن عايد]

ياولد عم الغريب اللي مع الصمـد البراحـي



عيضة شاعر جيد وتعجبني طواريقه , لكن التحليل ماهو كل شخص يؤخذ منه .





لو أعطيتنا تاريخ المحاورة , وقد يكون شئ تعتبره واقع وغيرك من العقلاء يعتبرون ذلك تهيؤات واعتقادات خالية من الصحة .







............. كلام ليس له علاقه بمعنى المحاوره وتحليلها وقد يجر الى مهاترات لاتخدم الموضوع
........الاداره ............

[عزوز النفيعي]

مشكور يابو فايح على المحاوره الرائعه



والمعنى واضح مثل ماقلت ولايحتاج تفكيك رموز



وصحت السن الشاعرين

[ابوتيجان]

قبل خمس شهور يالمطران سويتوا مصيبه=تحسب انك بالغشش والزور تاصل للنجاحي

اتفق معك في تحليل المعنى يابوفايح