بسم الله الرحمن الرحيم
أعزائنا الكرام ..
أعضاء وزوار الهيـــــــــلا *** منتدى قبيلة عتيبة
السلام عليكم ورحمة الله وبركاته
الحمدلله حمدا كثيرا طيبا مباركا فيه .. الحمد لله حمد الشاكرين .. الحمدلله الحمدلله الحمدلله
تتقدم إدارة منتدى قبيلة عتيبة *** الهيـــــــلا وطاقمها الإشرافي وجميع أعضاء المنتدى
بالتهنئه لسيدي خادم الحرمين الشريفين الملك / عبدالله بن عبدالعزيز آل سعود .. وللأسره المالكه وللحكومه
الرشيده وللشعب السعودي خاصه وللشعوب العربيه والإسلامية عامه
بقدوم _ ( سلطان الخير سلطان العطاء ) ..
بعد أن منّ الله عليه بالشفاء وعودته لأرض الوطن سالما معافى ..
هاهم شعراء قبيلة عتيبة الهيلا .. تغمرهم الفرحه والسرور لقدوم
سيدي ولي العهد صاحب السمو الملكي الأمير/ سلطان بن عبدالعزيز آل سعود .. وبلا شك أن فرحتهم كبيره
ويعجز الشاعر عن وصفها .. !! فكيف الشخص الذي لا يستطيع قول الشعر .. ماذا عساه أن يقول ؟؟!
لا نود الإطاله عليكم ولكن نترككم مع قراءة القصائد ونتشرف بالمساهمه في إثراء الموضوع والمشاركه بوضع
قصائد شعراء قبيلة عتيبه في هذه المناسبه وهي مناسبة عودة _( أبـــا خـــالـــد ) لأرض الوطن .
قصيده للشاعر الدكتور / حمد بن وصل العصيمي ..
على الطين اوقد النيران وابن الصـرح يـا هامـان=عشان ابلغ بـه اسبـاب السمـا والمـس كواكبهـا
واصافح به يديـن ٍ شانهـا فـوق البسيطـة شـان=يديـن ٍ زاحمـت شـهـب المـجـرات بمناكبـهـا
من اشرف غصن فاطهر عود من شجرة نسب عدنان=خلقهـا الله وطيـب فعلهـا مـن طيـب صاحبـهـا
على ارض ٍ رملها مسـك وهواهـا نفحـة الريحـان=وماهـا معـجـزة نفـنـى ولا تفـنـى عجايبـهـا
يحـن طويـق وتفـز السـراة وترقـص الصمـان=وتختـال المخايـل فـي سمـا حايـل وفـوق ابهـا
كـأن الله خلقهـا فابتسـامـة سـيـدي سلـطـان=ليـا مـنـه تبـسـم هـلـت الغيـمـة ذوايبـهـا
شفاك اللي بجودك كم شفـى علـة واغـاث انسـان=وفك رقـاب كـان المـوت تحـت السيـف قاضبهـا
وعوفيت وتعافـى الجـود والمعـروف والاحسـان=وطابـت بـك نفـوس ٍ غيبتـك كبـرى مصايبـهـا
تودعـك الربـاط ونجـد تستقبلـك بـا الاحـضـان=دمـوع مـودعـة ودمــوع تستقـبـل حبايبـهـا
وتصحبـك السلامـه دامـت ان مرافقـك سلـمـان=وتبشر بـا السعـد فـي مشـرق الدنيـا ومغربهـا
هذا رمـز الوفـا لـو للوفـا بيـن العـرب ميـزان=تمـيـل كفـتـه مستـعـرب العـالـم وعاربـهـا
اخذ شدة عمر مع ليـن ابـو بكـر وحيـا عثمـان=ومـن شلفـا الزناتـي فعلهـا الساطـي ومضربهـا
تحارب هيبتـه عنـه العـدا فـي ساحـة الميـدان=وتكسـر شوكـة العـدوان قبـل انــه يحاربـهـا
عطاه الله مـن الحكمـة بفضلـه مـا عطـا لقمـان=على ما اعطـت لـه الايـام مـن حكمـة تجاربهـا
امير ٍ كـل صفحـة مجـد فيهـا حـط لـه عنـوان=سرايا المجـد خـال وجـد ناخـت لـه ركايبهـا!!
قصيده للشاعر / محمد بن سطام بن عون ..
اليوم عيد(ن) كبير وعمت الفرحه = كل(ن) من الشعب فيه يهنئي الثاني
يا عظم هاك البيان ويا حلو طرحه =فرحت به المملكه والشعب من داني
اصدورنا حين ما ذاعوه منشرحه = ومن الفرح طايرين بدون جنحاني
لو بأشرح شعورنا يكودني شرحه =عيد ومطر وانتصار وشوف سلطاني
حتى المصوب على الجبهه برا جرحه = في شوف ابو خالد وفي شوف سلماني
يالله عسى عزنا ما ينهدم صرحه = ويطول اعماركم يا اطوال الايماني
عاش الوطن والمليك ودامت الفرحه = وعاش ابو خالد وعاش النائب الثاني
قصيده للشاعر / منيف لفيان زايد العتيبي ..
المملكة بأمر الأله معصومه=تحكم بشرع الله و سنة رسوله
في ظل حكامن تحفظ الحكومة =بالسيف ما جاء حكمها بالسهوله
وحده ابو تركي بقوة عزومه=لين اصبحت في قمة المجد دولة
في عهد عبدالله و صدر رسومه=ملك إنسانية و رمز البطولة
ولي عهد المملكة في قدومه=تباشرو به خير ساعة وصوله
و النائب الثاني وقف في لزومه=ثقة ملكية بفعله وقوله
يقضي على الإرهاب قوة سهومه=فئة قليلة فالبلاد معزوله
و مساعده عبر الأذاعة علومه=في واجبه و الشعب يلتف حوله
من هيبته كلن تهاوت نجومه=و اعداه بأمر الله تموت مخذوله
أفكار مسمومه و ناس محرومه=الوجه يضحك و العقول معلوله
اللي زرع له قنبله في لحومه=الله جعل كيده بنحره و طوله
دون الوطن و مقدساته قرومه=و دون الأمير اللي تنومس فعوله
شعبك تفاعل خير منهو يلومه=من حب شعبه وقت الأحداث جوله
سلامتك ياحرن بعيد حومه=علمتنا درب الشرف و الرجوله
[/align]
قصيده للشاعر / عويّض العازمي العتيبي ..
هـات القلـم واكتـب كـذا ولا بـلاش=يـكاتب اكتـب كـل حـرف من أوله
مشاعرن بالوصف ارق من القماش=وصفا من المعسول في بطن نحله
دون الـوطن نـدفع حيـاة الـروح كـاش=أرواحنـا دون الـوطن تستأهله
عيـن غطـا للأرض والأخـرى فـراش=نأكـل مـن إثمـاره ونشرب منهله
وحـده أبوتـركي بسيـفه يـوم هـاش=عسـاه بالفـردوس عـالي منـزلـه
واليوم في عهد أبو متعب عاش عاش=وإخوانه اللي كل واحد بعمله
يـالله يـامنـزل مـن المـزن الرشـاش=يـاخـالـق خـلـقه ورزقـه تكـفله
تحـفظ ولـي العـهد أبـو وجـه بشـاش=ياكـافـل الأيتـام وأبـو الأرملة
شـعبك على غيبـتك صايبه اندهاش=متى يجي راعي الوفاء نستقبله
مهـما كتـب مهـما يـدور من النقاش=قليـل فـي غيـث الديار الممحله
سلامتـك للـروح والقـلب انـتعاش=يامـكرمـه يا مـا حلـمه يامـاعدله
متنـه يشـيل الحمـل ويـدينه معـاش=مـأيـرتكي للـحمل يـاكود جمله
مـتى تـعود وتفـرح أٌقلـوب إعـطاش=نسـعد بشـوفك بالـيال المـقبله
رجـل الأنسـانيه وحـب القلـب جـاش=يمناك يمنا الخير تزرع سنبله
قصيده للشاعر / سعود الحافي ..
تنادي ياهجوسي في ضميري حان وقتك حان=وسمـي وإستهلـي والشـكـر لله والمـنـه
وألا يالمملكه مهد النبـوه خيـرة الأوطـان=عسى ألي وحدك يالمملكه في بـارد الجنـه
وعسى ربي يعز إلنا ملكنا مشطـر العـدوان=أبو متعب نهج نهج العقيـده منهـج السنـه
وفرحنا اليوم مايوصف بعد ربي شفا سلطان=وأنا باصوغ قاف الشعر في سلطـان وأعنـه
وألا ياسيدي شعبك تحرى رجعتـك شفقـان=نقـول اليـوم وإليـا زل قلنـا بكـره أذنـه
ترى غيبتك لو هي يوم تحسب فالقلوب أزمان=مشاعر شعبك الوافـي غـلا يبديـه ويكنـه
وكلٍ يرفع إدينـه لوجـه الخالـق الرحمـن=عسى من مثلـك سهـوم المنايـا مايصيبنـه
سندنا ألي مواقيفك على البيداء لهـا برهـان=ولي العهـد راع المجـد والأمـداح ينصنـه
مواقيفه مواقيف الفخر والطيـب والإحسـان=أبو خالد زبـون الكايـده مايختلـف ضنـه
جبلنا ألي ليا شـان الزمـن للكايـده مزبـان=يحـد الكـايـدات المبهـمـات ولا يحـدنـه
كريمٍ والكرم طبعك جزاك الشكـر والعرفـان=فقـدك ألـي تبنيتـه مـن الوعـات وتحنـه
وفقدك ألي توفى رجلهـا والقصـر اليتمـان=وفقدك ألي دموع الحـزن ياسلطـان يغشنـه
وفقدك الشايب ألي من زمانه حاير ٍ عجـزان=يبـا شوفتـك وزيارتـك وظروفـه يردنـه
وصلاة الله وتسليمه عدد ماتنشـي الأمـزان=على محمد نبي الله ومن يمشي على السنـه
| التوقيع |
للتواصل عبر twitter تويتر
al_bargawy@ |
« آخـــر الـــمـــشـــاركــــات »
13-Dec-2009, 06:11 PM
وليّ العهد و فرحة شعراء قبيلة عتيبة بقدومه ..
العرض العادي
