قصيدة ماجد ناصر بن عقيل

[نجد العرب]

في أحد احتفالات جيشنا المظفر التي رعاها وزيره المحبوب سمو الأمير سلطان بن عبدالعزيز حفظه الله,, شارك الشاعر/ ماجد بن ناصر بن عقيل بهذه الملحمة الجميلة حيث يقول:



سبحان من يحمد على كل الاحوال
الواحد الرحمن جلا جلاله
سبحانه الاعلى عن النقص متعال
المنفرد باسمى الكمال بكماله
مصدقين لما يقوله بالأنفال
ومجاهدين عن الحرم والرساله
امجادنا تبقى على مر الأجيال
ولنا على كل الطويلات طاله
عشنا بيسر وعسر في سلم وقتال
وعسى الشهاده حظنا والجماله
لأمر الفهد سمعٍ وطاعه لما قال
فهد لنا القايد وحنا رجاله
يامر فهد ونجاوب الأمر بالحال
بر وبحر جو وعلى كل حاله
لاقلت الحيلات والفي مامال
كل الجزيره تستظل بظلاله
نزه وطنا ما نقص منه مثقال
غصب على اهل الظلم وأهل الجهاله
مواقفه تذهل دواهي وعقال
ويكتب بها الكاتب ويعجز مقاله
خدم بلاده طال عمره ولا زال
والامن سايد والرخا والعداله
ويعيش من يو كل مهمات الأعمال
سيف الفهد سيفٍ يخضب سلاله
عبدالله اللي للوطن ستر وجلال
واوسع من حدود الوطن وسع باله
عون الضعيف وشايب ماله عيال
يعضده جالس وليا قام شاله
ريس حرسنا موفي الكيل لاكال
اقوى وارسى من رواسي جباله
واليوم انا مهتال والشعر مهتال
وجه السعد والخير هلا هلاله
يا مرحبا عداد ماهل همال
لا لاح براقه وخيل خياله
ويامرحبا عداد ما واديٍ سال
وعداد ما ينبت ويظهر جماله
باقة نبات السيل تهدى لرجال
المدح والتقدير والنعم ناله
رجل ليا عدوا كريمين الأفعال
الناس تجمع وابو خالد لحاله
ابو الكرامه والكرم منفق المال
تشري يمين الناس مدة شماله
بطل بطل قايد وقدوة للأبطال
ومرخصٍ للجيش جهده وماله
يا الجيش اخذت الفضل من راع الأفضال
وتفنى ولا رديت ربع الجزاله
بناك ابو خالد على ايام وليال
عبر السنين وصوت فالكون هاله
واصبحت في كل الدول ضرب الأمثال
اقوى من الجيش السعودي قتاله
نشكرك ياسلطان ياوافي الاخصال
علمتنا قوة وصبر ورجاله
نعاهدك عهد الولا عهد من قال
الله وبيت الله حنا فدا له
نموت والجنه للأبرار منزال
موت الشهيد ولا حياة الضلاله
قلته وانا مرسول عن كل الأشبال
من قواتنا البريه اهدي رساله
لاعظم وزير اوصافه اعظام وجزال
سلطان جعل العز والخير فاله



ماجد بن ناصر بن عقيل

[ابورازن فالمريخ]

صح لسان شاعرها وناقلها

[محمد العتيبي]

صح لسان ابن عقيل

ولا هننت على النقل يالغالي ..

تحيتي
..

التوقيع

للتواصل عبر twitter تويتر al_bargawy@

[لطــام العــايل]

صح لسانه


وبيض الله وجهك

[نجد العرب]

وجهك وشكرا على المرور