مرّه التجرّبـّـه

[عبدالمجيد الثعلي]

أقدم لكم إحدى قصائدي وأتمنى أن تحوز على رضاكم جميـع

قليله الموهبه وجودها فالشعرّ = وأنا أحمد الله وجدت الشعر والموهبه
والله سبحانه لـه الحمدّ وله الشكرّ =أبا أطلبه وأشكره وأبا أشكره وأطلبه
وأعاتب النفس لاتخطي قبل تعتذرّ=قبل الخطأ . والعذر .تمنع حدوث الشبه
وأنا خيالي جمع بين الشعر والدررّ=للشعر مكسب مدام إن الشعر مكسبه
خيال(ن)يدور دوره فوق سطح القمرّ=عاقل ضمير .وضمير العاقل يخاطبه
وأبعد جميع الهقاوي حسب بعد النظرّ=عشان أنبّه بها اللي ما إنبته ..ينتبه
والناس ذاقوا من الأيام حالي ومرّ=اللي مشط لحيته واللي فتل شاربه
لابد أثار الخطر ترسم علامة خطرّ=وإن كان منكوب حظ الآدمي ينكبه
زال بهلّ الخير خير وفي هل الشر شرّ=الخير نقرب منه والشر مانقربه
وليا بقى فالحياه أيام(ن) أدهى وأمرّ=الباطل أجابهه بالحق لين أغلبّه
بعد عبرت الشعر عبر بحوره عبرّ= ماني بمحتار كيف أقرأه وألا أكتبه
كملت (رحلة عمر).. من ربع رحلة عمرّ=وأبا أجتهد وأبذل المجهود وأزيدبه
وبكل خطوه على الدرب الصواب أستمرّ=طير السماء فالسماء والذيب في مرقبه
أقولها من ثقه وأفخربها وأفتخرّ=والكذب ما أصدقه والصدق ما أكذبه
من دورة الوقت كل مجرب ومعتبرّ=عنده حصانه وثقل الوقت مايتعبه
ألا من الموت والميعاد يم القبرّ=والعالم الله .بموعد موته .وبسببه
وإن راح علم وخبر وإن جاك علم وخبّر=الكون عن مشرقه يدرون أهل مغربه
واللي بدرب المحبه والغرام إنعثرّ=عينه تهل الدموع اللي تبل إهدبـه
واللي على خاطري منتظره ومنتظرّ=صبرت والصبر مر.ومرّه التجربّه
ياللي مرور الكرام اتمر متى تمرّ؟=أنا على الدرب وأنتظرك متى؟ تمرّبـه
دورّتلك مار ماعينت جرّه وأثرّ=والمشكله حيرة الصاحب على صاحبه
الله عسى غيبتة ماغار غيبة سفرّ=الغيبه اللي ترده بعد ماتغيبّه
كم حاله تصيب كم عاشق.ولاتستقرّ=حالات معتدله و حالات متقلبه
كم عاشق (ن) فاقد(ن)له غايب ..ولاحضّر=من عقب ماهي رديّـه.حالته. طيبه
الحمل حمل الظهر والحيل حيل الظهرّ=مدري يبا يطيحبه وألا يبا يقومبه
ياثقل طول الصبر. ياطول ليل السهرّ=فأيام متباعده وأوهام متقاربه
والله يعين العيون اللي تهل العبرّ=دنيا....(وفالناس).ناس بناس.مستذنبه
ماهيب غصب ورضاء.ماهيب طاعه وأمرّ=ألاجنون الغرام حسابها تحسبه
علاه أبا أضحك بدون شعور.وأبكي قهرّ=وأظن يوم الزمان يمر ما أحس به
تأثير غيبتك في كل الجسد منتشرّ=إرجع وأبا أعطيك قلبي وإخذه وعذبّه

وسلامتكم

[محمد الحمادي]

كملت (رحلة عمر).. من ربع رحلة عمـرّ
وأبا أجتهـد وأبـذل المجهـود وأزيدبـه
وبكل خطوه على الدرب الصواب أستمـرّ
طير السماء فالسماء والذيب فـي مرقبـه
أقولهـا مـن ثقـه وأفخربهـا وأفتخـرّ
والكذب ما أصدقه والصـدق مـا أكذبـه



يا مبدع



والله إنّه صح إلسانك 1000000 مرّه

[ابن صنهوت]

ياثقل طول الصبر. ياطـول ليـل السهـرّ,,,فأيـام متبـاعـده وأوهــام متقـاربـه
والله يعيـن العيـون اللـي تهـل العبـرّ,,,,,,دنيا....(وفالناس).نـاس بناس.مستذنبـه


صح السانك يا عبدالمجيد مبدع