مسيـرات النجـوم ..!! الــشاعــر/مرزوق الروقي

[فيصل المسعودي]

الــشــاعــر/

مــرزوق الــروقي

ياطارف الصحب .. عندي علم غير العلـوم=تعـال .. ودي أفضفـض لـك وأعلمـك بـه
ملـزوم أعلمـك يومنّـك تـسّـد الـلـزوم=علمي بعد ضاعـت الأريـا .. معـاد أقضبـه
حاولـت أشـد العـزوم ولابقالـي عــزوم=وحزامي المرتخي .. عجـزت يـدي تكربـه
منجـوم .. لـو أهتـدي بمسيـرات النجـوم=فعيوني .. الربـع والأعـداء نفـس الشبـه
مافيه شـي أبتهـج بـه فـي حياتـي يـدوم=إليا أبتهجت بوجـه .. درب الذهـاب أذهبـه
وإن هبّـت بريحـة الأمطـار دهـم الغيـوم=فأطرافها الخيـر .. لكـن وسطهـا الأتربـه
نزحت عـن واقعـي وأنحيـت يـمّ الحلـوم=وعايشت الأحلام قبـل أصحـى وقبـل أنتبـه
خذيت مـن لونهـا الـوردي كبـار القسـوم=ويا للأسف جـت جميـع قسومهـا مرعبـه
كتمت فالصـدر ليـن أزرت ضلـوع الكتـوم=صبر .. صبر .. وأنقضى صبره وضاق إرحبه
وش قولتك : لا أستجن الوقت , والربع قـوم=تقفـي عـن القـوم والا تنطـح المِنشـبـه
إن قلت لأجل الكـرام أدمـح خطـاة الرخـوم=أقول حمـل الكريـم اليـوم .. حمـل رقبـه
إليـا حكيـت الصراحـه قـام كلـن يـلـوم=يعني عشـان السلامـه .. كـل كذبـك جبـه
إليا سبحت البحـر .. قالـوا عسـى مايعـوم=وإليا صعدت الـدرج .. زادو عليـك إعتَبَـه
حتى لو تطير عنهـم فـوق .. تعجـز تحـوم=تجيـك حذفـة لسـانً موجـعـه , معطـبـه
ندفع بالأحسـن .. ولكـن ماسلمنـا الهجـوم=إلـى متـى والحليـم يغّـط صـوت غضبـه
في تالي الوقت تلقـى شخـص دون العمـوم=يكفيـك جملـة عربـك إليـا سَلَـم مذهـبـه
والا أكثـر الخلـق ماتقـدر تسّـد الـلـزوم=لو عّدها الرجل .. من روحـه ومثـل عرَبـه
والتاليـه .. علهـا بحمـول أهلهـا تـقـوم=لين إيحصل خير .. والا الجـاي أعلمـك بـه

منقوووووول

[ابن صنهوت]

صح السان مرزوق ولاهنت يا فيصل على النقل

[السيف البريع]

لله دره من مبدع

لاهنت

[مايكبرني لقب]

صح السان الشاعر مرزوق



وبيض الله وجهك اخوي ناقل القصيدة



لاهنت

[عبدالله الجـــذع]

دائما الشاعر مرزوق الروقي
يختتم قصائده بعلامات استفهام


هل هذه بصمه مرزوق لتعرف قصائده ؟

شاعر جميل جدا ومن الشعراء الشباب المميزين في هذا الجيل

انتقاء جميل كالعاده يابو منيف


محبك

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[البــراق]

بسم الله الرحمن الرحيم

قومن تدوس الفاعي مع عقاربها
وانا عتيبي عريف الجد والخالي
وانا عتيبي عريف الجدي والخالي
والله يحي اللي يقرا هاذي القصيده
وهاذى القصيده من جد وعم وخالي
وانا شاعر وعمي شاعر وجدي شاعر وبويا
وانا عتيبي وانا عتيبي عريف الجد
والخالي وقومن تدوس الافاعي مع عقاربه



انا شاعر وعمري 10 سنين

وسلامتكم انا محمد بدر البادي العتيبي

ذباحة الحايل..لطامه العايل