من منتدى الهيلا حمول المواجيب

[بجاد ابوديه]

اول قصيده لي في منتدى الهيلا اتمنا ان تنال استحسان الجميع

ببدي سما في نايفات المراقيب = ودي على راس الطويلات حزات
من عادتي مالاح في عارضي شيب = واليوم شايب والمواجيب عادات
من كون الدنيا ومن يعلم الغيب = غير الذي من فوق سبع السموات
الواحد اللي رتب الكون ترتيب = نرجى رضاه ومن يداه المسرات
يحمي وطنا من هل الزيف والريب = دارن بها الوافين عدل ومقامات
لوطانا حق الثنا والمطاليب = ولملوكنا مني جزيل التحيات
حنا فداى لوطانا والمعازيب = وحنا نحب الدار من خالص الذات
المخلصين من النشاما مناصيب = يعني حمات احماه في كل الاوقات
دارن ربتنا وحضتنا عن العيب = ومن خيرها عز النفوس العزيزات
من شانها شلنا السيوف المحاديب = على العدو مايلحق الراس شرهات
فرسانها يوم القصى واشهب الذيب = وجنودها يوم الرخى والملذات
ومن منتدى الهيلا حمول المواجيب = الشامخين عن الردى والمذلات
الخادمين لدوله العز والطيب = المخلصين بكل شتى المجالات
قلت القوافي في وطنا تراحيب = وحباً بسوقه فوق يم المجرات

الشاعر بجاد ابوديه العتيبي

آخر تعديل بجاد ابوديه يوم 15-Nov-2009 في 06:53 PM.