الغزل الإلكتروني<<< مصافحه جديده

[فهد رشيد الزلامي]

السلام عليكم
مصافحه جديده لأعضاء وزوار منتدى الهيلا العزيز على قلبي.
وهي عباره عن قصيده قديمه نوعا ما< 6 سنوات> خرجت في مكان وموقف معين سيتضح من سياق القصيده ولم أخطط لما ستكون عليه<<< لذلك نرجو المعذره إن كان هناك مايعيبها


your إسم إشاره
father الأب
mother الأم

الله يعوض يور فاذر وماذر=ياللي على الجوال دايم تلالي
بمكالمات الحب والعشق شاطر=طرت بفضاء الحب ياهملالي
ناقص عقل وأظن عقلك مهاجر=مادام ماله عند مثلك مجالي
تضحك على نفسك ودايم تكابر=وليا نصحك أحد(ن) تقول أنت خالي
خالي من الإحساس وايضا المشاعر=وش عرفك بالحب يا أبن الحلالي
جرب وشوف الحب وشلون صاير=أهون من الحب القديم الخيالي
أسرع منه وأرحم ولو كان عابر=وفي كل يوم لي حبيب مثالي
أضحك وأسولف معه بأسلوب شاعر=وأشكي له همومي مثل ما شكالي
وأنا على ماقيل ماني بخاسر=إذا سمعت الصوت يرتاح بالي
و أنهى كلامه بإبتسامه وغادر=ولا عطاني فرصة للسؤالي
أبسأله ذا الوضع إلى وين ساير=في مجتمع يعرف بأنه مثالي