وربي اللي جعل موسى يهزم الساحر بعصاته...

يشرفني ان اول موضوع هنيا انا اللي اكتبه...

قصيد واتمنى انه يعجبكم...

قبل ترسم عيون الشمس ملامح صبحها الباكر
ويبـدا اللـيـل يسـتـاذن مــن حــدود تجاهـاتـك


وقبـل لاتبـدا امواجـي بعالـم عشـقـك تسـافـر
وتملـك خطوتـي قـدره وجـراه فــي مسافـاتـك


وقبل تبدا عيون النـاس تلاحـظ غلطـة الشاطـر
وتضيع اغلى كتاباتي في ظـل وجيـه صفحاتـك


ابشعـل رمـث ماضيـي فـي ليلـه جوهـا ماطـر
وابشفـي غـل اسالـتـك وهــدي روع نظـراتـك


وربي اللي جعل موسى بعصاته يهزم الساحر
لمست احساس وجدانك قبل لاتنطق شفاتـك


تقهـوى سيـرة ايـامـي بنكـهـة هيلـهـا الخـاثـر
ودوك اصـدق فناجيلـي يصافـح كـف رشفـاتـك


حكايـه اشبـه بقصـه قديمـه مــن زمــن غـابـر
تحنت ولبست طرحه في ليلة عرسهـاوجاتك


بنقشـة كفهـا سكـة حــزاوي تكـسـر الخـاطـر
وفـي كحلـة نواعسهـا تلاقـي معـظـم آهـاتـك


وفـــي عـالــم جدايـلـهـا دروب مـالـهــا آخــــر
تسافـر فيـك مـن اقــرب الــي آخــر محطـاتـك


نعـم مرتنـي احـوال ن تصعـب حـتـى عالكـافـر
ولـكـن بالصـبـر تـقــدر تـجـمـع آخـــر شـتـاتـك


نعـم لـولا الالـم ماعـاش فينـي شاعـر معاصـر
نعم لـولا التعـب مـا جيـت اعكـر صفـو خلواتـك


نعـم حظـي بهالدنـيـا حبيـبـي لـلاسـف عـاثـر
ولكن عمري مـا وطيـت راسـي تحـت وحياتـك


وسلامتكم...

بنت ابوها...