معارك الشلاوى من بني الحارث مع الروقه من العتبان

[ماجد الشلوي]

((معارك الشلاوى بقيادة الشيخ مقبول ابن هريس مع الروقة من العتبان))



غزو قبيلة الشلاوى من بنى الحارث وكان قائدهم الشيخ مقبول ابن هريس الشلوي على قبيلة الروقة من عتيبة يم الخضارة في نجد وحصلت معركة بين الشلاوى والروقة وكان النصر حليف الشلاوى حيث اخذوا ابلهم ومع الأبل اسارى اسرى منهم الفارس المعروف(( بخيت بن ماعز العطاوي واخوه مشحن)) وبعدها ابتعدوا الشلاوى عن ديارهم ليتقاسمو الابل الا ناقة شقحا امر الشيخ مقبول ان يعطيها بخيت واخوه مشحن ثم جاءت أمراءة من الروقه وقالت يامقبول (الحر مايأكل لحم ذرعانه ) رد عليها مقبول قال من انتي قالت انا بنت زبن الضان من الحفاة حنا منكم نزيعة من الشلاوى ابي أبل زوجي ثم امر مقبول ربعه ان يعطوها مطلبها ثم اطلق الاسرى جميعهم ورجعوا الى ديارهم .


ثم عاود الشيخ مقبول ابن هريس وربعة الكره المرة الثانية وغزاهم يم ادغيبجه في نجد وحصل بينهم معركة قوية ووقفوا الروقه دون ابلهم وحل بينهم الطراد ثم قال مقبول لهم اسمعوا لكم أمرين ياالروقه :

الاولى: نتقاسم الابل ورقابكم وسلاحكم وخيلكم سالمة وانتم في المنع
والثانية: والله مايفرق بينا وبينكم غير الليل اليا غطنا يموت من يموت ويسلم من يسلم


وردو الروقة عليه وقالو بنتشارو يامقبول وقال لهم تشاورو ثم ردو عليه وقالو رضينا بتقاسم الابل
قال مقبول نوخو الابل ياقوم وامر ربعة ان يقسمو الابل وأمر ان صاحب الذود من الروقه يناديله ثنتين طيبات له يأخذها وبعد ماقسموا الابل ذود ذود بقى الذود الاخير ونادوا صاحبه عشان يختار جاء سحيم المعتبي الشلوي قال والله مايختار الاانا وانكروا ربعه وقالوا مقبول امر انا صاحب الذود هو الي يختارقال والله مايختار الاانا وبعد ما اخذ الثنو الاطيب قال صاحب الذود الاخير الروقي ياسحيم عطني الخواره وهي ناقة طيبة قال والله ماتاخذها واخذها سحيم الشلوي وبعد ماتقاسمو الابل رجعوا الشلاوى لديارهم وبعد فترة رد صاحب الناقة الخوارة الروقي قصيدة: قال فيها

اصبحت انا وسحيم مثل الاخواني = متقاسمين ورث ابوهم بعـد مـات
والثوب الابيض فيه نقطة ادهاني = ماينظفة غير الخواره اليـا جـات

والقصيدة اطول من كذا



وبعد ماسمع الشيخ مقبول ابن هريس القصيدة ارسل واحد من ربعة الي سحيم الشلوي وقوله خله يرد ناقة الروقي عليه
الي اختارها بعد ماوصل المرسول من مقبول الى سحيم وعلمة قال والله مايذوق بارد حليبها ولايأخذها
رجع المرسول الى مقبول وعلمه قال مقبول والله لو مايرد سحيم ناقه الروقي اني أخذ أباعره كلها مع ناقة الروقي ورجعاها له كلها بعد ماسمع سحيم الشلوي كلام مقبول رد ناقت الروقي عليه .


ثم عاود الشيخ مقبول ابن هريس وربعة المرة الثالثة وحصلت معركة بينهم وبين الخراريص من الروقة وانتصروا عليهم ودخلوا ديارهم وخيمو على عد مائهم اربع ايام ثم كلف الشيخ مقبول فارس من فرسانه يقال له (نهاض) بالحراسة ليلا في اليوم الرابع فنام الفارس نهاض من شدة التعب بعد ذلك تسلل فرسان من قبيلة عتيبه من الروقه في الليل
وبحذر شديد فوجدوا الفارس نهاض نائما فقتلوه وكان الشيخ مقبول ورفاقه نائمون

فدارت بينهم معركة وقالوا الروقة لشلاوى ادخلوا في المنع رقابكم سالمة وسلاحكم مأخوذة قالوا الشلاوى تمنعونا منعن مافيه شكر رقابنا وسلاحنا سالمة قالوا الروقة ممنوعين بسلاحكم ورقابكم
فأخذوا الشيخ مقبول ابن هريس وربعة ولما وصلوا بهم الى منازلهم اكرموهم واعتبرو ذلك اكبر نصر لهم فتمثل احدهم وهو الفارس < بخيت بن ماعز العطاوى > بابيات ابدى فيها سروره حيث قال على مسمع الشيخ مقبول ابن هريس : -

الحمد لله سـاع نومـى هنانـا = يوم اقتضينا في قطيع الخراصيص
ونهاض خلى طايح فـى نحانـا = ومقبول عند الصبح يتل المناقيس
وتطلقـن ادميهـم مـن يدانـا = من فوق قـب كنهـن القرانيـس
اربع ليال امخيـم فـوق مانـا = باهل الحجاز امنقليـن المهاريـس
يشـب نـارة عندنـا ماحزانـا = ياعنك ياشبابهـا مامعـه قيـس
وخربت على الى يذبحون السمانا = حماسه البن الخضر فالمحاميـس

فأجابه الشيخ مقبول ابن هريس على البديه ورد عليه ويذكره بلمعارك التي خسروها في يم الخضاره وغيرها ويذكرة بانة اسر مع الاسارى و وقال هذة الأبيات : -

جاني من الروقي كلام (ن) لفانـي = بخيت مـروي مرهفـات العبابيـس
من لابة(ن) يروون حد السنانـي = اليا التقت خيل(ن) وخيل(ن) كراديـس
ان اقبلوا يرخون حبـل العنانـي = وان اسندوا مـا يبعـدون المراويـس
وان كان تطري فعلكم ذى الزماني = فعولنـا فيكـم جــداد ومرامـيـس
لو احسب اللي فيكـم اول وثانـي = ما يحسبـه غيـر القلـم والقراطيـس
فرح بهية(ن) ساعه مـن زمانـي = والفيد منا خمـس هجنـن حراسيـس
حنا الشلاوى اهل الجموع الرزاني = على النقا نـرذي طـوال النسانيـس
حنا عليكم مثـل سيـل المحانـي = اللـي يرمـي بالعـدف فالطعاميـس
في نحونا كم طاح من مغلطانـي = يشدي غريق(ن) ما اظهروه الغطاطيس
وشيوخنا من مات منهم للجنانـي = واللي قعـد يلحـق عليـك المقابيـس
بايمانهم شغـل الفرنـج الرزانـي = مخضبـات(ن) كنهـن المحاسـيـس
ومشحن واخوه بخيت وكل الخواني = نتلهـم معنـا ســوات المحابـيـس
نتلهـم تـل الرسـن للحصانـي = اللـي مساميـره ببيضـه غواطيـس
وشنت خابر يـوم ذاك المكانـي = يوم انت عـوذت الشياطيـن وابليـس
وشنت خابر يـوم ذاك المكانـي = يـم الخضـاره والحيـود المراويـس
يوم انت فارقت الظعن والمبانـي = وحم الشعـاف ولابسـات المواريـس
الصادره ماجاك منهـا الحنانـي = والـوارده نجعـل عليهـا المقابيـس
لابد من كدر(ن) تجي مع بيانـي = طرافهـا تعطـي الغبـا والطعاميـس
اما حافيكم عـود عليكـم غوانـي = واما العطاوي جلعته مـا لهـا قيـس
ودموع اخو سكرى سوات الغشاني = صابر على مابه من الغبـن ومكيـس

اخو سكرى : هو بخيت بن ماعز العطاوي اخته اسمها سكرى
الخضاره: مكان في نجد


بعد قصيدة مقبول اخذوا يمزحون على الشيخ مقبول وهو عندهم عن طريق الأعتزاز بالنصر عليه وقالوا < هل تغزى بعد هذه النوبه ياشيخ مقبول ؟
فأجابهم حددوا موعد ومكان معين وزبروها يعنى < الأبل > ومعها فرسانها ولايغيب ولا واحد عنها.

< والله لغزى وانا مابعد حطيت زهاب ذلولى من عليها > فواعدوه على مكان يسمى < ابرق الجلبه > وهاذي المعركة الرابعه وابرق الجلبه وهو مكان معروف فى نجد واطلقو سراح الشيخ مقبول وجأهم بفرسان الشلاوى فوجدهم على وعدهم ومعهم الأبل وفرسانها ودارة المعركة قوية بينهم قيل ان الشيخ مقبول لم يُرى قبلها بمثل هذه الشجاعه قد حتى قال احدهم : انه شاهده يحارب كانه عن خمسة فرسان وفي النهاية حالف النصر الشلاوى وأخذوا الغنائم ورجعوا وكان من جملة الاسرى الي اسروهم الفارس < دليم الطر المرشدي الروقي العتيبي> وسأله الشيخ مقبول وقاله هل تغزي بعد هذه المره قال وهو متألم لهذا الموقف قصيدة فتمثل بهذه الأبيات : -

يم أبرق الجلبه جرى لى عشيه = لا واهنى اللى عن اسبابهـا غـاب
جانا على ابن هريس قوم رويه = على النقا ماهو بسرق بالاصحـاب
جونا وجيناهم علـى مخبريـه = وصار المصاحب بيننا غلط الأرقاب
واليا اعتزينا عزوة المزحميـه = نــادا مناديـهـم الاد حـطـاب
ولياخذوا شيـخ خذينـا لديـه = وراحن عذاريهن يطـرن الاجيـاب
وراحو ورحنا كلنا في سويـه = الا الدبش يفديك يامـرذ الأطـلاب
وياليت يوم الله جلبهـم عليـه = ان بندقـى مسلوبـه كنهـا الـداب
ماهى بجعا عزرة فـي يديـه = أرمى بها رمـى كثيـر ولاصـاب

ولما سمع قصيدته أطلق سراحه هو وفرسان قبيلته وسميت هذة المعركة بالمزبورة.

عزوة المزحمية : عزوة قبائل المزاحمة من الروقة من العتبان
الاد حطاب: فخذ من فخوذ الشلاوى من بنى الحارث


والمعركة الخامسه: حصل بين الشلاوى بقيادة الشيخ مقبول ابن هريس مع الروقه معركه في الطارف والنتائج انتصروا الشلاوى عليهم واخذوا أبلهم

فقال ايضأ الفارس دليم الطر الروقي العتيبي قصيدة يصف ماحدث :

جانا مع الطارف جموع تسيلي = جمع الشلاوى إلي على الشيخ مقبول
جونا وجيناهم بليـا نذيـري = وتواجهن جموعنا بأطرف الشـول
فعلا جرى ما نحسبنه يصيري = تاخذ بهم سحم الضواري إلى الحول
حنا رمينا لين غاب النظيـري = لكن عقب الغلب مـا ينفـع القـول

وسلامتكم
تقبلوا تحياتي