سعود العصيمي =
هلا يامرحبا واقلط يابن سرحان واخذ وهات=نبا نبي صروح المجـد ونجـوّد معانيهـا.
لياشاع الخبر بين الاوادم تكثر الاصـوات=عساك الياعطيتك كلمتي بـالآذن توحيهـا.
ابن سرحان =
يدوم الك البقاء ياسعود والله يصلح النيات=على درب الوفا والطيبه من حظ راعيهـا
تهرج يالعصيمي كان عندك للعلوم اثبـات=وقرطاس المعاني بيـن كاتبهـا وقاريهـا
سعود العصيمي =
فروض الوقت خمسة وانت ماصليت خمس اوقات=يقولـه واحـد تابعـك يـوم انـك تصليـهـا.
وانا ماقول غير الخير وانته وش تقـول ايـات=تبـا تاخـذ علـومـه صــح والا تتخليـهـا. .
ابن سرحان =
فروض الوقت خمسه والله انه يغفر السيات=هذا جهد الفقير ايصيبها واحيان يخطيهـا
اخذ ماجازلك فالوقت لا تتبع ورى الغـرات=ودقنك لا تسلمها الرجـال وتفتـري فيهـا .
سعود العصيمي =
ياطيب الشاعر اللي كل ماراحت علوم وجات=يميز فالعلـوم وياخـذ الجزلـة ويعطيهـا
طبول الحرب تقرع مار حنا نخلف الهقوات=نوردها على حوض المنايـا ليـن نرويهـا .
ابن سرحان =
'طبول الحرب تقرع كل يوم وللعلوم اثقات=وبعضات العلوم الله يستر من تواليها
نصيحه يالعصيمي لا تروح افـهرجة الشمات=خطيه والخطيه ماهقيت انك تسويها
سعود العصيمي =
نعرف ان العلوم الها ثقات وللحـدود حمـات=وعدواني على صفق الهـواء والله لاعديهـا.
انا ماني بعية وانـت لاتسمـع مـن العيـات=على وضح النقا الواضح ابا اجرحها واداويها.
ابن سرحان =
حصون القوم من لفح الهوى ماتسلم الصكات=تعداها الهبوب ولا تزحـزح عـن مبانيهـا
ولكن فيك ياسعود العصيمي وحـده بالـذات=ليا ماجتلك الدنيا علـى كيفـك ... تجافيهـا
سعود العصيمي =
لابالله من تهبه من طرفنا يلحـق الامـوات=غصب ماهو رضى ماهو على كيفك تمشيها.
ليامني طلبتك عون عني وارفـع الرايـات=وطالبت الذكاه اقـول بسـم الله واذكيهـا. ؟
ابن سرحان =
تخلص من ذنوبك لا يخمك هـادم اللـذات=ولن ذكرتك ابها يالعصيمي قلـت ناسيهـا
وانا ماقول غار ابشر بعزك وابرك الحزات=ليا دارت رحى الايام تكشفلـك خوافيهـا
« آخـــر الـــمـــشـــاركــــات »
11-Jul-2009, 07:43 PM
.. طارووق رائع
العرض العادي
