سعود العصيمي =
هلا يامرحبا واقلط يابن سرحان واخذ وهات=نبا نبي صروح المجـد ونجـوّد معانيهـا.
لياشاع الخبر بين الاوادم تكثر الاصـوات=عساك الياعطيتك كلمتي بـالآذن توحيهـا.
ابن سرحان =
يدوم الك البقاء ياسعود والله يصلح النيات=على درب الوفا والطيبه من حظ راعيهـا
تهرج يالعصيمي كان عندك للعلوم اثبـات=وقرطاس المعاني بيـن كاتبهـا وقاريهـا
سعود العصيمي =
فروض الوقت خمسة وانت ماصليت خمس اوقات=يقولـه واحـد تابعـك يـوم انـك تصليـهـا.
وانا ماقول غير الخير وانته وش تقـول ايـات=تبـا تاخـذ علـومـه صــح والا تتخليـهـا. .
ابن سرحان =
فروض الوقت خمسه والله انه يغفر السيات=هذا جهد الفقير ايصيبها واحيان يخطيهـا
اخذ ماجازلك فالوقت لا تتبع ورى الغـرات=ودقنك لا تسلمها الرجـال وتفتـري فيهـا .
سعود العصيمي =
ياطيب الشاعر اللي كل ماراحت علوم وجات=يميز فالعلـوم وياخـذ الجزلـة ويعطيهـا
طبول الحرب تقرع مار حنا نخلف الهقوات=نوردها على حوض المنايـا ليـن نرويهـا .
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|