يا هيه كانك مـا تبا النـاس توذيك .. قيس المسافة بين مزحـك وجـدك

[حمود غنام المرزوقي]

المشاركة الأصلية كتبت بواسطة عبدالله الجـــذع

شاعر من الطراز الاول


صح لسانك ياحمود


متابعين لك

محبك

ما عليك زود أخوي عبد الله الجذع

ولاهنت على اخلاقك العالية احترامي

[سلطان الاشراف]

أخووي حمود بيض الله وجهك , وقصيدة جزلة من شاعر جزل وفالك العافية إنشاءلله ,
والله لا يضرك وأنا أخوك قول آمين 00


قصيدة تحمل معاني كثيرة من الحكم , وتشرح كثيرا من واقع بعض البشر , شرح وافي وجزل , وتحكي واقع الناس والأصحاب بطريقة قليلا ما يبدع فيها الشاعر , أعرف بأن قصائد من هذا النوع تبقى مخلدة في الذاكرة وقت طويل 00


وبصراحة راح أكتب لك البيت اللي أعجبني فالقصيدة 00



خذ البيت 00 مستعد 00



يا هيه كانك ما تبا الناس توذيـك
قيس المسافة بين مزحك وجـدك
بيض السجايـا للمعالـي توديـك
وسـود النوايـا للمذمـة تـردك
لو تجتمع كل البشر لأجل تغنيـك
من دون ربي مدهـم مـا يسـدك
الله هو اللي حسب نيتـك يعطيـك
ما فيه جود(ن) مثل جوده يمـدك
اعبر على وضح النقا لين ياتيـك
علم اليقيـن وخالقـك يستـردك
لابد مـن دورات الأيـام تطويـك
ويفقدك من كان أول العمـر نـدك
لا تقترب من واحد(ن) ما يدانيـك
ولا تلتحف بلحاف ماهـو بقـدك
ساير ظروفـك لا تعلـم بطاريـك
كم واحد(ن) يضحك معك ما يودك
وكم واحد(ن) كنه صديق مصافيك
واليا اندرقت أفشى مع الناس سدك
وكم واحد(ن) يشناك لو كان يغليك
وكم واحد(ن) يمدحك لو كان ضدك
احفظ غلا اللي بالمراجل يوصيـك
ولا عدت فعول المطاليـق عـدك
وأحذر عدوك لوعـدوك يناديـك
صبر(ن) جميل ولا علوم(ن) تحدك




لاتستغربون , هذا البيت اللي أعجبني يعني ( القصيدة كلها من أول حرف لآخر حرف ) , كل ما جيت بختار بيت لقيت البيت اللي وراه أحسن منه 00





تحياتي 00 أخوكم سلطان الأشراف

[حمود غنام المرزوقي]

المشاركة الأصلية كتبت بواسطة سلطان الاشراف

أخووي حمود بيض الله وجهك , وقصيدة جزلة من شاعر جزل وفالك العافية إنشاءلله ,
والله لا يضرك وأنا أخوك قول آمين 00


قصيدة تحمل معاني كثيرة من الحكم , وتشرح كثيرا من واقع بعض البشر , شرح وافي وجزل , وتحكي واقع الناس والأصحاب بطريقة قليلا ما يبدع فيها الشاعر , أعرف بأن قصائد من هذا النوع تبقى مخلدة في الذاكرة وقت طويل 00


وبصراحة راح أكتب لك البيت اللي أعجبني فالقصيدة 00



خذ البيت 00 مستعد 00



يا هيه كانك ما تبا الناس توذيـك
قيس المسافة بين مزحك وجـدك
بيض السجايـا للمعالـي توديـك
وسـود النوايـا للمذمـة تـردك
لو تجتمع كل البشر لأجل تغنيـك
من دون ربي مدهـم مـا يسـدك
الله هو اللي حسب نيتـك يعطيـك
ما فيه جود(ن) مثل جوده يمـدك
اعبر على وضح النقا لين ياتيـك
علم اليقيـن وخالقـك يستـردك
لابد مـن دورات الأيـام تطويـك
ويفقدك من كان أول العمـر نـدك
لا تقترب من واحد(ن) ما يدانيـك
ولا تلتحف بلحاف ماهـو بقـدك
ساير ظروفـك لا تعلـم بطاريـك
كم واحد(ن) يضحك معك ما يودك
وكم واحد(ن) كنه صديق مصافيك
واليا اندرقت أفشى مع الناس سدك
وكم واحد(ن) يشناك لو كان يغليك
وكم واحد(ن) يمدحك لو كان ضدك
احفظ غلا اللي بالمراجل يوصيـك
ولا عدت فعول المطاليـق عـدك
وأحذر عدوك لوعـدوك يناديـك
صبر(ن) جميل ولا علوم(ن) تحدك




لاتستغربون , هذا البيت اللي أعجبني يعني ( القصيدة كلها من أول حرف لآخر حرف ) , كل ما جيت بختار بيت لقيت البيت اللي وراه أحسن منه 00





تحياتي 00 أخوكم سلطان الأشراف

أخوي : سلطان الاشراف

ماقصرت الله لايهينك
ويبيض الله وجهك على الاخلاق
العالية والمشاعر الطيبةواحب أقول لك ان
إشادتك بالقصيدة وراعيها لا يدل على وضعها
وقيمتها الشعرية فقط بل يتجاوزه الى انه يدل على ان
شخصك الكريم من ذوق راقي ومشاعر تتفاعل مع الجزل
وعقل يميز بين الطيب والاطيب بل وسردك وتفسيرك يدل على انك انت راقي راقي راقي الله يزيدك من العلم ومن نور البصيرة ويهديك
بهما الى الجنة انه هو القادر . تحية واحترام أخوي.........

[ابراهيم الزراقي]

ابن غنام

صح لسانكــ قصيده رائعه


فيها من الحكمه والصدق الشي الكثير


استمتعت بقراتها


لله دركــ



تقبل مرورك

[حمود غنام المرزوقي]

المشاركة الأصلية كتبت بواسطة ابراهيم الزراقي

ابن غنام

صح لسانكــ قصيده رائعه


فيها من الحكمه والصدق الشي الكثير


استمتعت بقراتها


لله دركــ



تقبل مرورك

ابراهيم الزراقي


مرحبا فيك أخوي مرورك يسعدني

ويشرفني الله لايهينك أخوي تحية.

[أبونواف]

صح لسانك ياحمود على هذه الرائعه ..

[حمود غنام المرزوقي]

المشاركة الأصلية كتبت بواسطة أبونواف

صح لسانك ياحمود على هذه الرائعه ..

صح بدنك وحياك الله

لاهنت أخوي أبو نواف

تحية.... طيبة

[دلبحي الرياض]

«®°·.¸.•°°·.¸¸.•°°·.¸.•°®»قصيده جزله وانا شدني مطلع القصيده ودخلت ولقيت قمه الابداع الله لايضرك
وصح لسانك ولاهنت ولاترحمنا من تميز يالذيب«®°·.¸.•°°·.¸¸.•°°·.¸.•°®»

[حمود غنام المرزوقي]

المشاركة الأصلية كتبت بواسطة دلبحي الرياض

«®°·.¸.•°°·.¸¸.•°°·.¸.•°®»قصيده جزله وانا شدني مطلع القصيده ودخلت ولقيت قمه الابداع الله لايضرك
وصح لسانك ولاهنت ولاترحمنا من تميز يالذيب«®°·.¸.•°°·.¸¸.•°°·.¸.•°®»

مشكور على المرور أخوي دلبحي الرياض


لاهنت تقبل التحية العطرة والاحترام ...

[سلطان المفرجى]

سجل اعجابي يا حمود

واقول صح لسانك مليون