[نوآف الغنامي]

المشاركة الأصلية كتبت بواسطة حمود غنام المرزوقي

يا هيه كانك مـا تبا النـاس توذيك = قيس المسافة بين مزحـك وجـدك
بيض السجـايا للمعالـي توديـك = وسـود النـوايا للمـذمة تـردك
لو تجتمع كل البشر لأجـل تغنيك = من دون ربي مـدهم مـا يسـدك
الله هـو اللـي حسـب نيتك يعطيك = ما فيه جود(ن) مثل جـوده يمـدك
اعبر علـى وضح النقا لين ياتـيك = علـم اليقـين وخالـقك يستـردك
لابـد مـن دورات الأيـام تطويك = ويفقـدك من كان أول العمر ندك
لا تقترب من واحـد(ن) ما يدانيك = ولا تلتحف بلحـاف ماهو بقـدك
ساير ظروفك لا تعلـم بطـاريك = كم واحد(ن) يضحك معك ما يودك
وكم واحد(ن) كنه صديق مصافيك = واليا اندرقت أفشى مع الناس سدك
وكم واحد(ن) يشناك لو كان يغليك = وكم واحد(ن) يمدحك لو كان ضدك
احفظ غلا اللي بالمراجل يوصيك = ولا عدت فعـول المطاليق عـدك
وأحذر عـدوك لوعدوك يناديـك = صبر(ن) جميل ولا علوم(ن) تحدك

حمود غنام المرزوقي

يا سلام


القصيده جزله ومن رجال جزل ( بس عندك الاخطاء الاملائيه انظر اعلى وانظر هنا )


ابداااع يالمرزوقي ابداااع


تسلم والله على هالابيات الرااااائعه


والله قريتها مرتين وابي اقرااااها لين امل


صح الله لسانك لين ترضى


وبيض الله وجهك

التوقيع

تدرون ويش اكبر فخر بعد الاسلآم !! = ان النبي (طه) خواله عتيبه خــــيال الصفـــــرا سابقاً

آخر تعديل نوآف الغنامي يوم 02-Oct-2009 في 12:43 PM.