اشوف اسمه على الشاشه

[معجب العتيبي]

النشمي

انا الي صاحبٍ غايب عن الساحه ثمان اشهور= اشوف اسمه على الشاشه ولا شوفه على الساحه
وهو شاعر علم يستاهل التصفيق ياجمهور=هواجيسه لجزل الشعر ياهل العرف فواحه

ابو لمار

يلوح البرق ويدن الرعد مير الديار دهور = ديار(ن) مايجيها الغيث عنها البدو نزاحه
وانا اقول الثبيتي في المواقف شاعر(ن) مخبور = يدوّر للعلوم الطيبه والنفس مرتاحه

النشمي

الا ياطيب قلبك مار بعض احيان فيك اغرور= تحسبك تمتلك نهر الفرات وشاطي الراحه
تريد العدل ون صابك حقوق اعوج من الباكور=ولو انك سبحت البحر قبلك ناس سباحه

ابو لمار

ولا ياصاحبي قلبك كبير ولاتحب الزور = تشوف الدلو فوق البير مير الدلو ميّاحه
عليك الحق في الاولى وانا ماقلتلك معذور = حليلك يوم تبغى تذبح الرجال بسلاحه

التوقيع

[علي الثبيتي]

طلع نور القمر وانته مثل نوره تزيد النور=ليا عديت في شمرخ بنورك تشرق الباحه
لكن ان كان تشكي من مرض جبنالك الدكتور=وتسكن فالشفا وتحط زحليقه ومرجاحه

التوقيع

ماني بلا روقي ولا برقاوي = انا ثبيتي جد روق وبرقا

[ابو لمار]

اظنك سامع(ن) من قبل قصة عنتره والثور = على اسمه ثور مايعرف وله قرنين نطّاحه
ثبيت من الغشامه يحسبون ان الدجاج اصقور = انا مدري صحيح العلم ولا الناس مزّاحه

[علي الثبيتي]

اقول العظم مادامك طبيبه ماهو اب مجبور= ومسرى النمر تال الليل ماهو مثل مسراحه
خطبنا من بني سفيان بنت وحالها مستور= وجابو عفشها والطير معها يومي اجناحه

[ابو لمار]

اظنك مانسيت انّا جبرنا عظمك المكسور = ترى الدكتور يعرف علة الرجال وجراحه
علومك يالثبيتي بندقيه زاهبه وتثور = على هونك شوي شوي هات العلم بالراحه

[علي الثبيتي]

شجاع وتنبطح للقوم يوم اسرابهم طابور= نهار ان الفتايل تشتعل وزنود قداحه
على الفطحه قلطنا وانت ماحصلت غير السور= يا هيه القفل والله مايفكه غير مفتاحه

[معجب العتيبي]

لازال النشمي متواجد


ولايزال ابو لمار هنا ايضا


لاشك ان الابداع سيستمر


متاااااااااااااااااااااااااااااابعين

[علي الثبيتي]

حياك الله يامعجب والابداع بوجودك

[معجب العتيبي]

النشمي

طلع نور القمر وانته مثل نوره تزيد النور=ليا عديت في شمرخ بنورك تشرق الباحه
لكن ان كان تشكي من مرض جبنالك الدكتور=وتسكن فالشفا وتحط زحليقه ومرجاحه

الله الله


متميز دائما

[علي الثبيتي]

تسلم يمينك يالقررررررررررررم