النشمي
انا الي صاحبٍ غايب عن الساحه ثمان اشهور= اشوف اسمه على الشاشه ولا شوفه على الساحه
وهو شاعر علم يستاهل التصفيق ياجمهور=هواجيسه لجزل الشعر ياهل العرف فواحه
ابو لمار
يلوح البرق ويدن الرعد مير الديار دهور = ديار(ن) مايجيها الغيث عنها البدو نزاحه
وانا اقول الثبيتي في المواقف شاعر(ن) مخبور = يدوّر للعلوم الطيبه والنفس مرتاحه
النشمي
الا ياطيب قلبك مار بعض احيان فيك اغرور= تحسبك تمتلك نهر الفرات وشاطي الراحه
تريد العدل ون صابك حقوق اعوج من الباكور=ولو انك سبحت البحر قبلك ناس سباحه
ابو لمار
ولا ياصاحبي قلبك كبير ولاتحب الزور = تشوف الدلو فوق البير مير الدلو ميّاحه
عليك الحق في الاولى وانا ماقلتلك معذور = حليلك يوم تبغى تذبح الرجال بسلاحه
النشمي
طلع نور القمر وانته مثل نوره تزيد النور=ليا عديت في شمرخ بنورك تشرق الباحه
لكن ان كان تشكي من مرض جبنالك الدكتور=وتسكن فالشفا وتحط زحليقه ومرجاحه
ابو لمار
اظنك سامع(ن) من قبل قصة عنتره والثور = على اسمه ثور مايعرف وله قرنين نطّاحه
ثبيت من الغشامه يحسبون ان الدجاج اصقور = انا مدري صحيح العلم ولا الناس مزّاحه
النشمي
اقول العظم مادامك طبيبه ماهو اب مجبور= ومسرى النمر تال الليل ماهو مثل مسراحه
خطبنا من بني سفيان بنت وحالها مستور= وجابو عفشها والطير معها يومي اجناحه
ابو لمار
اظنك مانسيت انّا جبرنا عظمك المكسور = ترى الدكتور يعرف علة الرجال وجراحه
علومك يالثبيتي بندقيه زاهبه وتثور = على هونك شوي شوي هات العلم بالراحه
النشمي
شجاع وتنبطح للقوم يوم اسرابهم طابور= نهار ان الفتايل تشتعل وزنود قداحه
على الفطحه قلطنا وانت ماحصلت غير السور= يا هيه القفل والله مايفكه غير مفتاحه
ابو لمار
مائة طابور من خلفك وكل(ن) ماخذ(ن) له دور = نهار الحرب شفتك منسدح لك فوق طراحه
انا بنشدك في اللي راح وش حصّلت يامغرور = ملينا قربتك لين اصبحت مليا ونضّاحه