ومازال مسلسل حمران النواظر مستمرا

[مطرقين ودنقور]

السلام عليكم ورحمة الله وبركاته

الوضع يا اخوان زاد عن حده واخاوننا المطران ماعاد لهم هم الا عتيبه كأن ماعاد فيه قبيلة الا حنا

واليوم جايب لكم موضوع يبين غباء باحثهم المدعو نقال هم مطير اجتهد في تزويراته لكن هالمره ماضبطت معه لانه باختصار مايفهم القصيد ومن المستحيل يكون راويه وهو مايفهم القصيد

اليكم الموضوع:

المشاركة الأصلية كتبت بواسطة نقال هم مطير

فأقول وبالله التوفيق :

أن عتيبة وعلى رأسها محمدبن هندي بن حميد تدفع الهدو للدويش والدليل ، سأذكر لكم المصدر ثم التعليق عليه.

يقول عواض بن ضيف الله العتيبي في كتابة (حياة البادية في نجد) ، ما يلي :-

وذكر أبو عبدالرحمن عن السديري أن الملك عبدالعزيز أرسل لآبن هندي يطلب منه حضور معركة المجمعة ضد الدويش ، وقومه ، وكان أبن هندي قد أهدى فيصلا الدويش حصانا أصيلا ، فقال أبن هندي بهذة المناسبة :-

يا ربعنا شدوا على الزلبات -- جتنا مناديب الامام
ليت الحصان اللي عطى ما فات -- ما سر بالباير عطاه العام

أنتهى.

وتعليقا على هذا المصدر :-

1 - هنا الذي يدفع الهدو محمد بن هندي بن حميد شيخ عتيبة يدفعة للامير فيصل بن سلطان الدويش .

2 - المصدر عتيبي أي من أهل الدار ، كذلك موثق في مصدر تاريخي هو الظاهري الذي ذكر الرواية عن السديري والذي ذكرها بدورة عن الملك عبدالعزيز وأعترفوا بها العتبان في كتبهم.

3 - كما ذكر أحد الاعضاء هناك أن السبب أن الصمان قحط! ، أقول السبب هنا يبدوا لآنه حل قحط بديار عتيبة وأرادوا أن يربعوا بالصمان وهذا سبب منطقي أذا أخذنا قصد صاحب الموضوع هناك.

4 - نريد رجلا محايد من غير قبيلتي مطير وعتيبة يقارن موضوعنا وموضوعهم حتى يعرفون من أصدق ومن يدفع الهدو للاخر.

5 - أتمنى مشاركة أحد أبناء قبيلة عتيبة الكريمة في هذا الموضوع معنا.


تحياتي للجميع ،،،،،،،،،

اقول انا وبالله التوفيق

ان البيت اللي ذكرته وخيالك ماساعدك تحبك التزوير صح معناه واضح حتى لو تسأل ورع من ورعاننا كان شرح لك القصيده كلها لكن وشنقول بقبيله مافيه الا 4 شعار والقصه معروفه عند عتابه وهي:
ان الامام اهدى الدويش حصان وبعد ماغدر به الدويش قرر الامام تأديبه وارسل مراسيله لابن هندي
ومعنى بيت ابن هندي يامال العافيه: انك يالدويش ماسرك عطا الامام العام واليوم تغدر به وغزوه وارثعوا فيه
والبيت ماسر بالباير عطاه العام
يعني انت غدرت باللي عطاك العام والدويش فعلا غدر بالامام. لو ان الدويش غدر بابن هندي كان يمكن يركب البيت لكن البيت وااااااااااضح جدا ومعليش
ولانه ايضا من سابع المستحيلات ان ابن هندي يمن بعطاه
تخيلوا شيخ القبيله ((اللي دخيلها سنه كامله في وجهها (استثنائيه) ومن مشى معهم سبع خطوات صار خوي وله حق الفزعه ومايذبحون الا الحايل كناية عن كرمهم المفرط واكبر قبيله ديارا وعددا)) يمن عطاه!!!!!! من جد قويه

وحكاية ان ابن هندي خايف من الدويش والله انها تضحك,, ابن هندي ماخاف من ابن رشيد الحاكم مهوب الدويش, وابن هندي مارضخ لابن رشيد يوم الدويش راضخن له

وقصة رضيمة المستوي كانت على الرباعين بس وتاكد يامطيري اننا ردينا لكم الوحده بعشر ورجالنا بعشرة ريجيل من روسكم

وكنت اتمنى ان حكم ابن سعود تأخر شوي بس كان نزحناك من السعوديه كلها لانك تعرف ديارك اللي بالحجاز المويه والمحاني ومران مرورا بنجد وشمالها
وشيخنا سلطان بن ربيعان يوم ارثع في الحميدي الدويش في المستوي عام 1261 ونزحه للصمان ويقعد له ابن حثلين يسندبه نجد وابن ربيعان يحدر به للصمان

واشيخنا يوم المواجيب جزّام * عنا لضـدّات القبايـل يناحـي
من فعله المطران صالواعلى يام* غدا على العدوان سم ذحاحي

ويقول العتبان مثل اللي يحرث عن نصاب السكين والله انت اللي حرثت عنها وطاح حظك

أكبر دلاله على تزويرهم مسمياتهم هذا نقال هم مطير والأصل (نقال هم عنزه) يعني ملطوش
وحمران النواظر لقب للفدعان من عنزه وهذا شاعرهم يقول:

ربعي هل الطولات سقم المعاديـن ** كلن يعد افعالهم باعترافــــــي
ماظنتي يخفاك فعل الفداعيـــــن ** علم وكا ولا على الناس خافــي
حمر النواظر خايضين المياديــن ** ستر العذارى يوم يبس الاشافي
حمر النواظر بالملاقي ضريريـن ** حمول السبايا بايجين الفيافــي
حمر النواظر مقحمين الاكاويـن ** ضد المعادي يوم ضرب الشلافي
حمر النواظر باللوازم امسميــن ** فيما مضى واليوم دورك عوافي

نطالب ادارة منتداهم بحذف كل مايسئ لعتيبه الا ماوثق بمصادر
وعدم السماح لهواة التاريخ باطلاق خيالهم تجاه عتيبه لان عندنا من المصارد مايكفي لردعكم
وترانا ماحنا بقليلين شر واكفونا شركم

وبالله التوفيق