الشاعر العلم ملفي المورقي

[ابوعبد الرحمن22]

المشاركة الأصلية كتبت بواسطة ابو قلبً عطيب

بسم الله الرحمن الرحيم

السلام عليكم ورحمة الله وبركاته

حبيت اشاركم لقصيدة لابن العم ملفي المورقي ويقول فيها ابو وافي ...

يقول المورقي يالله ياللي = على كل المخاليق متعلي
تنجيني من الحب وعذابه = بعد في غبته حولت كلي
من أول كنت طيب ومتعافي = مغار اقراء كتاب الله واصلي
ما اعرف اهل المحبه والمحبه = واقول للي عشق جعله يولي
كبني ماعرفت اللي في قلبه = ولا ادري وش يشيل وش يخلي
من الدنيا وصكات البلاوي = وفي وضع الهواوي مايسلي
الا ياعاشقً ضليت الومه = تعال وشوف بالله وش حصلي
مغير اهرف سوات هراف ذيبً = من الحره على نجد متدلي
نزل يم الخطر من حر جواعه = يبا ياكل من المال المفلي
وقلبي كل يوم يزيد همه = ولاضنيت همه بمتجلي
من اسباب الهوى الله لايعوده = هوى راعي الحجاج المسفهلي
ابو قرناً ليا هله وحول = كما ثعل الخيال المستهلي
وخداً مثل نور البدر نوره = على كل الدير نوره مضلي
هذا مغير موجز من وصوفه = وصوفه ما يحليها المحلي
ولكن كل الاوصاف الحميدة = به زين التواصيف متحلي
رماني في هواه الله يصيبه = يصيبه مثل يومنه حبلي
يقول اني معك في الحب مخلص = لكن اثره ماهوب مخلصلي
تغير بين يوم وبين ليله = واثر له طوارن ما طرلي
من اول كل ماجيته مسير = يقابلني ومن قلبه يهلي
ويضحك ضحكتن تنعش فؤادي = الذ شوي من در المفلي
لكن اليوم قام يصد عني = ولادري هو جفا ولا تغلي
ضحكلي لين وهقني وقفا = وخلاني طريحاً في محلي
وانا مدري لو ان الزين مجبر = على فعله هذا ومخلصلي

وســـلــتـــمــــكـــــــم

ابو قلب عطيب يعطيك العافيه على النقل الموفق


وملفي شاعر غني عن التعريف


ولاكن عندي بعض الملاحظات على بعض الكليمات اعتقد غلط في الكتابه

1- يا للي تاكد من كتابتها صح 2- هراف او اهراف

3- جواعه او جوعه

4- كلمة المفلي تكررت مرتين وشا عر مثل ملفي ماهوب صعب عليه استبدالها

وهي 0 المال المفلي و در المفلي


ويمكن اكون انا على خطى

تحياتي

[مطرح البعارين]

المشاركة الأصلية كتبت بواسطة ع المورقي

ويضحـك ضحكتـن تنعـش فــــؤادي

ألــــذ شـوي مـن در المفــلي

يعطيك العافية يابوقطن وصح لسان ابو وافي

تحيااااااااااااتي

ابو قلب عطيب


مشكور على النقل الجميل


للشاعر الكبير ( مالك المعنى) ملفي المورقي


كنت اتمنى ان تكون دقيق في كتابة القصيدة لكي تخلو من الخطأ


ولي ملاحظة على هذا البيت

ويضحـك ضحكتـن تنعـش فــــؤادي

ألــــذ شـوي مـن در المفــلي


لا اعتقد ان الشاعر ملفي المورقي فيه كل هذا الجهل بالشعر وبمعنى الكلمات لكي يقول


ألــــذ شـوي مـن در المفــلي

فالمفلى يجمع الابل والغنم وغيرها من الكائنات فيكف يكون وصفه بليغ


الصواب على ما اعتقد هو الذ شوي من در المتلي

المتلي: هي الناقة اللقحة التي تلد اخر الابل ويكون ولدها صغير وحليبها لذيذ
وسميت بهذا الاسم لأنه تكون في اخر الابل في وقت الولادة


ومما يؤسفني حقاً هو تجاوز الاخوان الذين علقوا على الموضوع لهذه النقطة ما عدا الاخ ابو عبدالرجمن


وايضاً فيهم من استشهد بهذا البيت



عذراً للإطالة



تقبل تحياتي

[ابو قلبً عطيب]

الاخ / ابو عبدالرحمن

و

الاخ / مطرح البعارين


ملفي المورقي شاعر لاتجهله بعض المفردات والمعاني ولكن الخطاء كان مني لطباعة القصيدة الاخطاء التي أنتم وضحتموها في طباعة القصيدة لكم كل الشكر من الاعماق الشكر الجزيل للتوضيح الدقيق فعلاً لم انتبه لطباعتها الا بعد تعليقكم عليها اشكركم اشكركم وأعتذر لكــــــــــــــــــــم