بسم الله الرحمن الرحيم

السلام عليكم ورحمة الله وبركاته

حبيت اشاركم لقصيدة لابن العم ملفي المورقي ويقول فيها ابو وافي ...

يقول المورقي يالله ياللي = على كل المخاليق متعلي
تنجيني من الحب وعذابه = بعد في غبته حولت كلي
من أول كنت طيب ومتعافي = مغار اقراء كتاب الله واصلي
ما اعرف اهل المحبه والمحبه = واقول للي عشق جعله يولي
كبني ماعرفت اللي في قلبه = ولا ادري وش يشيل وش يخلي
من الدنيا وصكات البلاوي = وفي وضع الهواوي مايسلي
الا ياعاشقً ضليت الومه = تعال وشوف بالله وش حصلي
مغير اهرف سوات هراف ذيبً = من الحره على نجد متدلي
نزل يم الخطر من حر جواعه = يبا ياكل من المال المفلي
وقلبي كل يوم يزيد همه = ولاضنيت همه بمتجلي
من اسباب الهوى الله لايعوده = هوى راعي الحجاج المسفهلي
ابو قرناً ليا هله وحول = كما ثعل الخيال المستهلي
وخداً مثل نور البدر نوره = على كل الدير نوره مضلي
هذا مغير موجز من وصوفه = وصوفه ما يحليها المحلي
ولكن كل الاوصاف الحميدة = به زين التواصيف متحلي
رماني في هواه الله يصيبه = يصيبه مثل يومنه حبلي
يقول اني معك في الحب مخلص = لكن اثره ماهوب مخلصلي
تغير بين يوم وبين ليله = واثر له طوارن ما طرلي
من اول كل ماجيته مسير = يقابلني ومن قلبه يهلي
ويضحك ضحكتن تنعش فؤادي = الذ شوي من در المفلي
لكن اليوم قام يصد عني = ولادري هو جفا ولا تغلي
ضحكلي لين وهقني وقفا = وخلاني طريحاً في محلي
وانا مدري لو ان الزين مجبر = على فعله هذا ومخلصلي

وســـلــتـــمــــكـــــــم

لاهنت ياخي نايف الحويماني وشكراً على مرورك

الاخ فيصل المسعودي

الله لايحرمنا من اطراء ارائك كما عودتنا وتشكر على مرورك ولك كل التحية والتقدير

الاخ الفراهيدي

جعلك سالم ولاهنت على مرورك

لك كل الود والتقدير

الأخ العزيز مشاري الروقي
جعلك سالم وصدقت رد على هذه القصيدة الشاعر المبدع / عبد الله بن عون ولكن لم احفظها ... بس انشاءالله ان قدرت اكلم ابو وافي لامن واجهته واخذها منه انشاءالله
وتقبل فائق تحياتي يامشاري

اخوك /
ابو قلبً عطيب