الجذع ودائرة الضوء

[سلطان الجـذع]

...

مرحج الميزان .. صح بدنكـ ... ولاهنت على تواجدك ...

[حمد بن جوباح]

شحّيت لك بريال واحد وانت عندك راس مال = الظاهر إنك خايف نفتش حقوق الجمركه
لا تشغل سهيل اليماني معك يا جدي الشمال = دار الفلك وانت الله يعافيك مافيك حركه

[حمد بن جوباح]

المشاركة الأصلية كتبت بواسطة مرجح الميزان

حمد والجذع صحت الألسن يالمبدعين ..

صح بدنك طال عمرك


شرفتناااااا

[سلطان الجـذع]

ريال واحد !!! مانمده مانمد الا الجزال = ترى يدينا اللي تشيل كفوفها ماتمسكه !!
أصبر على وعثا السفر مادام شديت الرحال = حتى لو انك صاحبٍ طول المسافة يربكه !!

[فايز بن سرحان الثبيتي]

إن غبت غبت ف..لازمي وإن جيت قلت لّك تعال
لا تدخلك شكه وريبـه وأنـت وسـط المعركـه
المشيخـه ماهـي علامـه فالشمـاغ وفالعقـال
سوّيت لك فلـم وطلـع فلمـك مجـرّد فبركـه



يكذب علّي اللي يقول المسـك فـي دم الغـزال
لكـن لاتلقـي بنفسـك ياحمـد فالتهلـكـه !!
عـزالله انـي واردٍ هـداج بطـوال الحـبـال
عندي من علوم الوفاء والطيب شعب ومملكه !!


الله الله الله

قاف من الوزن الثقيييييييل يرد الروح للقسم


حمد جوباح \ سلطان الجذع

اساتذه

عيني عليكم بااااارده وصحت قلوبكم

التوقيع

إذا شئت أن تحيا سليما من الأذى=وحظك موفور وعرضك صين لسانك لا تذكر به عورة امرىء=فكلك عورات وللناس السن وعينك إن أبدت إليك معايبا = فصنهاوقل يا عين للناس أعين وعاشر بمعروف وسامح من اعتدى=وفارق ولكن بالتى هى أحسن

[سلطان الجـذع]

...

ارحب ارحب يابن سرحان وهذا قليل مع كثيرٍ لديك

لاهنت لاهنت على تشريفك ...

[حمد بن جوباح]

.
..







العذر والسموحة يا ابو عبدالله


الإتصال سيء

ما شفت في حزب العداله من سياستك اعتدال = في جدول أعمالك تطول إيديك خشمك وإفركه
لا ترخص أسعار اللحى بالهرج في سوق السبال = دام القمر روسي وداخل في مجال الأمركه

[حمد بن جوباح]

.
..








حياك الله يا ابن سرحان


صح بدنك وشرفتنا بحضورك يا استاذي

[سلطان الجـذع]

..

الله الله

اللي تحت شمس الظهر حاولت ارده للظلال = لكن خوي ابليس في فعله وذنبه يشركه !!
كلٍ على اللي تقدره نفسه اليا جاء له مجال = ودم اليهودي لاتعاتبني اليا جيت اسفكه !!

[حمد بن جوباح]

لا تقفل ابواب الثقه وتفك باب الإحتمال = عاملت سوق الفيصليه لأجل سوق المملكه
عندك خصال وعند غيرك مثل ما عندك خصال = ما عاد باقي غير تفتح لك مطار ف..مدركه