يا مرحبا ترحيبة ٍ بحمولها فوق الجمال = في دربها تاصل وسيع المعرفة في مبركه
سلطان تحت الدايره فالضوء جاوب له سؤال = لكن بعض الأجوبه لا شك مافيها بركه

دام البقا ياللي بعد ما رحت جابتك الليال = اول كلامك ناخذه واخر كلامك نتركه !!
العلم عند اللي يعرفون الحرام من الحلال = ماكل شئٍ في مجال الدين عقلك يدركه !!

إن غبت غبت فـ..لازمي وإن جيت قلت لّك تعال = لا تدخلك شكه وريبه وأنت وسط المعركه
المشيخه ماهي علامه فالشماغ وفالعقال = سوّيت لك فلم وطلع فلمك مجرّد فبركه

يكذب علّي اللي يقول المسك في دم الغزال = لكن لاتلقي بنفسك ياحمد فالتهلكه !!
عزالله اني واردٍ هداج بطوال الحبال = عندي من علوم الوفاء والطيب شعب ومملكه !!