احدن يفكر كيف يملك ليفربول؟؟

[ابراهيم الزراقي]

المشاركة الأصلية كتبت بواسطة ابو نشمي العتيبي

[

b][size=5]

ليس الفتى من قال جدانـي زحـول
إن الفتى من عاش مثـل السلاطيـن

[/size[/b]]

صح لسانك وبيض الله وجهك

على القصيدة

ابو نشمي


صح بدنك امتعتني بكلامك الحلو

[ابورازن فالمريخ]

ياصاحبي ليه انت مدهش ومذهـول
حنـا فعصـر العولمـة والملاييـن
ماعاد هـي لحيـة شهـاده بمقبـول
ولاعاد هي لحيـة خيـام وبعاريـن
ولاعاد ينفع وابك انا ربعي زحـول
وجدانـي ابطالـن تـدك المياديـن
لاصار ما انت ألي طوى البيد بخيول
لاتعتـزي بالخيـل عنـد المياميـن
الوقت ماهو وقـت قاتـل ومقتـول
وقت التطور والرقي يا أحمر العين
دام القلم سيفـن لـلاوراق مسلـول
مايمسك نصابه ضعيـف ومسكيـن
يغزي به ألي يثبت الفعـل والقـول
ألـي بعلمـه يستصيـغ البراهيـن
وألا قليل العرف غـادي ومجهـول
تنهش به كلاب الخـلا والسراحيـن
في ذمتي مال الجهل شـي مأمـول
كـود التخلـف وانعـدام القوانيـن
الناس ساروا فالقمر عرضن وطول
وبالجهد والتفكير عاشـوا سلاطيـن
ملوا من تراث المدايـن وأبوالهـول
وحمى التطور ميزة العصر ذلحيـن
احدن يفكر كيـف يملـك ليفربـول
واحدن همومه كيف يستعمر الصيـن
وأحدن مبيعاته وسط لنـدن وسـول
وألي سواتك تبلشه ضرمـة الظيـن
سبحان من ميز عقولٍ عـن عقـول
وألا انت وياهم خلقتوا مـن الطيـن
لاشك ما انته يابن الاحرار مهبـول
لكن فكـرك مخّـرك عنهـم سنيـن
الوقت ذا راع الجهل فيـه مشلـول
حاول تعلـم والتجـاوز مـن يميـن
واستثمر افكارك وشاربـك مفتـول
لاتنثـنـي للهم والـغـم والـديـن
وخلد لنفسك مع هل الطالـة فعـول
لاتفتخر فـي فعـل نـاس متوفيـن
ليس الفتى من قال جدانـي زحـول
إن الفتى من عاش مثـل السلاطيـن



قصيده وافيه بالنصايح والحكم