السلام عليكم ورحمة الله وبركاته
صباح/مساء
الخيرااااااااااااااااات
ابياااات متواضعة جديدة اتمنى ان تنال على اعجابكم
ياصاحبي ليه انت مدهش ومذهول=حنا فعصر العولمة والملايين
ماعاد هي لحية شهاده بمقبول=ولاعاد هي لحية خيام وبعارين
ولاعاد ينفع وابك انا ربعي زحول=وجداني ابطالن تدك الميادين
لاصار ما انت ألي طوى البيد بخيول=لاتعتزي بالخيل عند الميامين
الوقت ماهو وقت قاتل ومقتول=وقت التطور والرقي يا أحمر العين
دام القلم سيفن للاوراق مسلول=مايمسك نصابه ضعيف ومسكين
يغزي به ألي يثبت الفعل والقول= ألي بعلمه يستصيغ البراهين
وألا قليل العرف غادي ومجهول=تنهش به كلاب الخلا والسراحين
في ذمتي مال الجهل شي مأمول=كود التخلف وانعدام القوانين
الناس ساروا فالقمر عرضن وطول=وبالجهد والتفكير عاشوا سلاطين
ملوا من تراث المداين وأبوالهول=وحمى التطور ميزة العصر ذلحين
احدن يفكر كيف يملك ليفربول=واحدن همومه كيف يستعمر الصين
وأحدن مبيعاته وسط لندن وسول=وألي سواتك تبلشه ضرمة الظين
سبحان من ميز عقولٍ عن عقول=وألا انت وياهم خلقتوا من الطين
لاشك ما انته يابن الاحرار مهبول=لكن فكرك مخّرك عنهم سنين
الوقت ذا راع الجهل فيه مشلول=حاول تعلم والتجاوز من يمين
واستثمر افكارك وشاربك مفتول=لاتنثني للهم والغم والدين
وخلد لنفسك مع هل الطالة فعول=لاتفتخر في فعل ناس متوفين
ليس الفتى من قال جداني زحول=إن الفتى من عاش مثل السلاطين
شعر,,,ابراهيم الزراقي