سعوود العصيمي=
يابن منعر وصلني علم جايك ماعليه إثبوت = وأنا اشوفك تجاهلته ومن قاله تجاهلته.
عسى الارهاب واهله ينقطع والا عساه إيموت = لكن الله يبارك فيك مدري ويش حللته.
مقعد الدغيلبي =
انا عندي خبر فاللي من البارح يجر الصوت=وسمعي عن هزيل الهرج يارجال قفلته
نبا نقضي على الارهاب من صاروخ باتريوت=نجث اعروقه الي فالثرى ونزيح منزلته
سعوود العصيمي=
نعمّر فالليال بيوت والطاغي يهد ابيوت = لكن الليل شد الحيل حل اللغز واسئلته.
انا اشوفك تكلم والكثير من الرجال اسكوت =تبا تبطي وعلمك ياوسيع العرف ماطلته.
مقعد الدغيلبي =
والا ياللي لبست البشت خله منت راع بشوت=ولغزك مايعجزني يابو طايل وحللته
يبايبقى الخبر ياسعود في صم الصفا منحوت=وهذي مشكله لاعاااد تسئل ويش مشكلته
سعوود العصيمي=
وصلنا للعلا والا انت لاشمعه ولا كبوت = والا وشرك وشر المعادي لاتناولته.
ترا مانته بعالم سر غيب ولا معك جبروت = تريح واسترح فالواجب اللي عنك كملته.
مقعد الدغيلبي =
انا خابرك ماتدري عن الدم الحمر والتـوت=واقول ان العوج يبقى عوج لو كنت عدلتـه
انا مانيب قانص حوت خل الحوت لهل الحوت=وانا عدلت حملـك يالعصيمـي بعـد ميلتـه .
سعوود العصيمي=
لك الله عقب هاذي لاتحيّزم ثم لاشوتك شوت=انا ماني عوج واعامل الرجـل ابمعاملتـه.
بعد بعت الحياه الطيبه ثم اشتريـت المـوت=يبا يشتالك البحر الحمر واتمـوت ماشلتـه
مقعد الدغيلبي =
انا خابرك تشرق يالعصيمي من تمر نبوت=ولاتحلـم ولاتضلـم وميقافـي ماهملتـه
تبا تخطي وتبطي يالعواجي ماوصلت لنوت=خفيف الحمل تعجـز فالليالـي ماتحملتـه
سعوود العصيمي=
أنا اللي خابرك ماتفرق الناعت من المنعوت=لكن لياعطيتك علم علم الصـدق بدلتـه.؟
تراها في حبالي من قبل وقت الملك طالوت=ومثلك في زمان الحرب والتعذيب هبلته.!!!
مقعد الدغيلبي =
علامك يالعصيمي كل ليله لابسلك كـوت=ومثلي ماتعيّـن خيـر لامنـك تطاولتـه
على بالك مثل جالوت وتسوي مثل جالوت=ولو تاخذ سواتك ياوسيع العـرف بدلتـه
« آخـــر الـــمـــشـــاركــــات »
04-Sep-2009, 08:32 PM
العرض المتطور
