يابن منعر وصلني علم جايك ماعليه إثبوت = وأنا اشوفك تجاهلته ومن قاله تجاهلته.
عسى الارهاب واهله ينقطع والا عساه إيموت = لكن الله يبارك فيك مدري ويش حللته.

انا عندي خبر فاللي من البارح يجر الصوت=وسمعي عن هزيل الهرج يارجال قفلته
نبا نقضي على الارهاب من صاروخ باتريوت=نجث اعروقه الي فالثرى ونزيح منزلته

نعمّر فالليال بيوت والطاغي يهد ابيوت = لكن الليل شد الحيل حل اللغز واسئلته.
انا اشوفك تكلم والكثير من الرجال اسكوت =تبا تبطي وعلمك ياوسيع العرف ماطلته.

والا ياللي لبست البشت خله منت راع بشوت=ولغزك مايعجزني يابو طايل وحللته
يبايبقى الخبر ياسعود في صم الصفا منحوت=وهذي مشكله لاعاااد تسئل ويش مشكلته

وصلنا للعلا والا انت لاشمعه ولا كبوت = والا وشرك وشر المعادي لاتناولته.
ترا مانته بعالم سر غيب ولا معك جبروت = تريح واسترح فالواجب اللي عنك كملته.

انا خابرك ماتدري عن الدم الحمر والتوت=واقول ان العوج يبقى عوج لو كنت عدلته
انا مانيب قانص حوت خل الحوت لهل الحوت=وانا عدلت حملك يالعصيمي بعد ميلته

لك الله عقب هاذي لاتحيّزم ثم لاشوتك شوت = انا ماني عوج واعامل الرجل ابمعاملته.
بعد بعت الحياه الطيبه ثم اشتريت الموت =يبا يشتالك البحر الحمر واتموت ماشلته