الهوازنيه للشاعر ثواب بن طنف الجعيد

[نايف العبيد العتيبي]

متعب الجعيد صح لسانك مليون وصح لسان شاعرنا الكبير

ولاهنت ياذيبان

انا اشهد انها جزله وقويه ومليانه


دمت بخير

[حاتم الضميري]

الحمدلله والصلاة والسلام على رسول الله وعلى آله وصحبه أجمعين

" السلام عليكم ورحمة الله وبركاته "

أشكركم على حسن أختياركم للمنتدى الشيخ الشاعر/ ثواب بن طنف الجعيد ..... والمواضيع الممتازة أمالً لكم بتوفيق وحسن الأختيار

والشكر والتقدير موصول للشاعر/ متعب ثواب الجعيد على قصائدة الجميلة

مع تحيات / حاتم منصور الضميري...

[أبو الوليد]

واناعتيبي من سلالة هوازن ......ربعي عوايدهـا الفخـر مـن جدودهـا
ما نوشي الفتنه ولا نحرث الردى...... ولا نهاب اليـا تسامـت وقودهـا
ان ميل الميزان من قوم يمنا...... صبرنـا لهـا لوكـان كبـرت لهودهـا
وان ميل الميزان منا على العدا ......نروي من السـم السقطـري كبودهـا
رسمنا الثلاث البيض في الجاهليه...... واقرها الاسـلام واثبـت حدودهـ


رائعة من الروائع

والشاعر طنف مشهور بمعرفته ورجاحة عقله ولا نزكيه على الله.

احسن الله خاتمته ومتعه بالصحة والعافية.

التوقيع

https://twitter.com/abalwled عَظيمةٌ أنتِ يـا أرضَ الرسَـالاتِ = يا مهبطَ الوحي فِي خَتْـمِ النبـوَّات أنْتِ السُّعُوديَّةُ العَلْيَـاءُ فِـي شَمَـمٍ = تَعْلُو عَلَى كُلِّ مَنْ تَحْـتِ السَّمَـوَاتِ

[ابـن نـعـيـس]

صح لسانك ولسان الجعيد

قصيده اكثر من رائعه


تحياااااااااااااااااااااتي

التوقيع

[مالك]

صح لسانك ولسان الجعيد

قصيده اكثر من رائعه


تحياااااااااااااااااااااتي

[ابو غصين]

سبحان محي الارض من بعد موتها =ولولا العنايه كان ماخضر عودها
حنت عليها المرزمات الغوادي= يرجع بها المسني ليا اوحى رعودها
كن البرد حول الحصى حين ينتثر= جوهر عذارى نثرت من عقودها
غدرانها سفاح تزهى رياضها =ريح العوالي في المحاني تذودها
تغرد بها الاطيار من كل ناحيه =من الطرب حدارها وسنودها
تلعب بها الاشواق حتى تجاوبت= واسترسلت من شوقها مجهودها
وجاوبتها بالصوت ماني بعاشق= لكن افكار الضماير تعودها
ان جيت ابا اقهرها تضايق بها الحشا= وان جيت اناحيها تزايد ورودها
كنيتها في خاطري واتعبتني= ولاتختفي دعوى تبين شهودها
تسعى لنا الدنيا وتطوي عمارنا= وبيض الليالي ماتعلم بسودها
عزوم ٍليا قفت غرورٍ ليا اقبلت= مكارةٍ بواقةٍ في عهودها
ان جيت احاربها واحارب نعيمها= روحي تباها والاماني تقودها
وان قلت اجد السير اباها تعذرت= وهي نومست ناسٍ هتيله زنودها
تنومس هتيل حربته لابن عمه= دايم مولمها وراكز عمودها
دايم مولمها ويطعن بها القفا =والطيبه من خلقته ما يفودها
وعزي لقومٍ ينزل البغض بينهم =بالتفرقه والبغض تشمت حسودها
ومن عرض اقرابه لعوج الطلايب= يذهب معزتها ويكثر زهودها
ويقطع هبيلٍ حكمته عند حرمته =يبدي لها سده وتبدي سدودها
على بساط البحث بينه وبينها =يبدع لها كلمه وياخذ ردودها
حتى ايش لو كانت حياته طويله= عسى حفرته في سرع تطوى لحودها
وترى تفاصيل الرياجيل واجد =يتعب مغنين المثايل عدودها
عرفت لي منها معاني كثيره= خابر ثعالبها وخابر فهودها
ترى الثعالب ما تغير عيالها =لو كان تنقش بالزمرد جلودها
والحر الاشقر ما سكن فوق عرفجه= لو كان مالت بالثماري فنودها
ومن لاتنقى في المناسب تندم =وروح الفتى تزهيدها ما يزودها
واناعتيبي من سلالة هوازن= ربعي عوايدها الفخر من جدودها
ما نوشي الفتنه ولا نحرث الردى =ولا نهاب اليا تسامت وقودها
ان ميل الميزان من قوم يمنا= صبرنا لها لوكان كبرت لهودها
وان ميل الميزان منا على العدا =نروي من السم السقطري كبودها
رسمنا الثلاث البيض في الجاهليه= واقرها الاسلام واثبت حدودها
من لاومن جاره فلا هو بمؤمن =واهل الشرف للجار تبذل جهودها
ومن لا اكرم اضيفان ما هو بمؤمن= واهل الكرم جادت على قيس جودها
ومن لا يعدي عن خويه بسيفه= خساره على سبلاه تسكن خدودها
ساهمت باابيات الشعر في محلها= مع جملة الشعار لا جت وفودها
نفخر باصالتنا و يفخر مليكنا =تحت راية التوحيد ثابت وجودها
ملكنا امام الشعب قايد جيوشه= فيصل سعدها في ليالي سعودها
واخوانه الاحرار نصره على العدا =نمورٍ يقهر كل طاغي صمودها
والمملكة من غربها لين شرقها= ان حك حيدٍ حيد حنا جنودها
اموالنا وارواحنا فدوة لها =نسخى بها لسهالها واحيودها
ويحرم عليها ما تزين لغيرنا= لو غطرفت بقعا وساقت قعودها
تمت وصلى الله على خيرة الملا= اللي هدى الكونين بامر معبودها

[ابو غصين]

الاخ متعب بيض الله وجهك ورحم الله والدكم قايل هذا الشعر الجميل


ابو غصين

[جبل النور]

اخوي متعب الجعيد

صح السانك ولسان شاعرها

والنعم فيكم يا الاد الجعيد

[سعود الجعفري العنزي]

الاخ متعب الجعيد..بيض الله وجهك على نقل هذه القصيده

[متعب ثواب الجعيد]

الأخوان : ابو غصين
جبل النور
راع النوق
اشكركم جزيل الشكر على مروركم
اخيكم
متعب الجعيد