وانا اضم صوتي لصوت ابو مشهور
الاضافه تكون بيت من كل شاعر... كذلك يكون البيت
متصل المعنى بالذي قبله ... وعلى هذا الاساس سيكون هناك
تنسيق للقصيده بعد انتهاءها
تحياتي
حنا عتيبة مصدر الطيـب منـا=تعرف جميع القوم منهم عتيبـة
فينا صفات(ن)من طلبها تعنا =حتى لذيذ النوم مايهتنيبه
اهل الفعول ان كان قلنـا فعلنـا=حنا سوات الموت سلطة وهيبـة
نبطش بحد المرهفـات المسنـا=ونغير فوق المكرمـات الاديبـة
لادق زير الحرب صفٍ كملنـا=عدونـا نسقيـه مـر الغليـبـه
حنا عتيبة وانشـد القـوم عنـا=صغيرنا يذكـر بفعلـه وطيبـه
ذباحة الحايـل سعـوط المجنـا=اهل السيوف المرهفات العطيبـة
كم شيخ قومـا بالملاقـا زبنـا=نحميه لو كبرت عليه المصيبـة
ما يـوم لابقنـا ولايـوم خنـا=وخوينا يلقا الصـدور الرحيبـة
والضيف لن ميل فلاحـاد عنـا=يعرف دروب العز من غير ريبة
مال الفخر لو ينتخي غير حنـا=تاج الفخر حنا ولاهـي غريبـة
دون الخوي نشيل هـم المعنـا=ولجل الكرم نفعل فعول عجيبـه
الطيب عادتنا من اجلـه بذلنـا=نجيب شي ٍ غيرنا مـا يجيبـه
ياقشر حظ اللي طمع في ظعنـا=وياطيب حظ اللي يصيح ونجيبه
عقـال لكـن لازعلنـا جهلنـا=عدونا يوم الطـراد انعثـي بـه
نخلي ظهور الخيل كـان أقبلنـا=والمعتدي ماغير روحه ضريبـه
ميدانهـا نجـد العذيـه وطنـا=نجدٍ لنا ماخلـف نجـدٍ طليبـه
وارض الحجاز بغير شكٍ وظنـا=فيها زعيـم ٍبالوغـى ننتخيبـه
نجـد ٍخذيناهـا بسيـف امحنّـا=واللي غلبناهم رضـوا بالغليبـه
حنا عتيبه في الغفى ما طعنا= حنا هل الطولات قوم الصعيبه
على حياض الموت سقنا جملنا=وعشنا بنجدٍ مادفعنا الضريبه
لو إنــّها ماهي مذاخير أهلـنا = لكن نزلنا وسطها بالغصيبة
« آخـــر الـــمـــشـــاركــــات »
25-Feb-2005, 01:47 AM
العرض المتطور
