شهادات الشعراء لزملائهم هل هي حقيقيه أم مزيفه !!!؟؟؟

الدعوه واضحة من زمان

شعر لا تدور ...! وراك مصلحة بالعربي 10000 الاف ريال ليليآ العب معك

وسبب دمار الشعر هم الشعراء الكبـــــار يجامل المستشعر عشان وراه مصلحة

ولدرجة ان الشاعر الكبير يستضعف للمستشعر امام الجماهير و لؤهامهم بأنه شاعر لايشق له غبار

واحيانآ يتفقون على المعنى والمبدا والرد وهكذا .. ويالله والجماهير يصفقون ويرددون عيد .. عيد ..

والشعراء يضحكون بينهم ويتغامزون وفي خاطرهم يقولون لويدرون عن الاتفاقية...!!!!

والمضحوك عليهم منهم.....؟


هم الجماهير و صاحب الحفل


واخيرآ


مشكور يابو فايح على الموضوع الهادف


وصراحة مواضيعك كلها صائبه

تحياتي

[عايض القوبع]

على طاري الشهادات

في حفلة جملية بين حبيب وسوار الذهب

يقول حبيب لسوار الذهب :

والا ياطير ياللي مايشوفك غير جن مطير=متى تلقى الطيور اللي مخاليبك تعشاها

والجن هم شعار مطير يعرفون من الطير


هذي شهادة شعرية

[عبدالله المطرفي الهذلي]

والله أغلبها مزيفه إلا القليل

أذكر في أحد اللقاءات سئل مستور عن التلميذ هل يتفوق على الأستاذ فقال نعم فسئلوه عن حبيب هل تغلب عليك كأستاذ له فقال نعم حبيب تغلب علي !! الله اكبر يابو تركي

آخر تعديل عبدالله المطرفي الهذلي يوم 21-Apr-2010 في 12:20 AM.

[مهدي]

قد يكون اغلبها مجاملات لكن هناك شعراء واقعيون ولا يرجون من وراء احد مصلحه

مشكور ابو فايح

[ولد الصعيبي]

أبو فايح حبيب عندما شهد لعبدالله الميزاني أتوقع نه ذكر الحقيقة ومن الظلم مدح شاعر مثل عبدالله ابن شايق اللي أغلب اهل الشعر ماتمدحة وخاصة المتذوقين في الحجاز ونجد واجي امدحة كذا ظلمت الشاعر وبالنسبة لاسوار الذهب ياخي اغلب الشعرا ومتذوقين الشعر واغلب القبائل شهدت بشعرة

لكن اقولك يأبو فايح عوذ ابليس واعترف ان عبدالله الميزاني من كبار الشعراء والاعتراف بالحق فضيلة ..

[محمد العبيدي]

المشاركة الأصلية كتبت بواسطة ولد الصعيبي

أبو فايح حبيب عندما شهد لعبدالله الميزاني أتوقع نه ذكر الحقيقة ومن الظلم مدح شاعر مثل عبدالله ابن شايق اللي أغلب اهل الشعر ماتمدحة وخاصة المتذوقين في الحجاز ونجد واجي امدحة كذا ظلمت الشاعر وبالنسبة لاسوار الذهب ياخي اغلب الشعرا ومتذوقين الشعر واغلب القبائل شهدت بشعرة

لكن اقولك يأبو فايح عوذ ابليس واعترف ان عبدالله الميزاني من كبار الشعراء والاعتراف بالحق فضيلة ..

ياولد الصعيبي وش عرفك الشعر عشان تقول مدح بن شايق ظلم ابن شايق شاعر وعلم ولاتزوده كلمة شاعر ولاتنقصه شهد له الزلامي والناصر ومن تبي غير هؤلاء يشهد له وشهدت له مسيرته الشعريه

والشعراء يوم يتجنبونه لإنه ماوراه مصالح ولا وراه إلا يضحك الجمهور على الشاعر الي معه ولايجامل وماعنده ثنائيات ولاودي يتشعب الموضوع إلى أكثر من موضوع

أشكرك يابوفايح ع الموضوع ومن وجهة نظري أنا أن الميزاااااااااني وبن شايق من شعراء المحاوره الي مايلحقهم كلااااااااااااااااااام بس

[ابوتيجان]

لاتاخذ المدح من السنة الشعراء لبعضهم حتى المستشعر يحطونه من كبار الشعراء ولا يلامون لان المجاملة في مثل هالموقف تفكهم من شرهات الناس

الشاعر بين والمستشعر بين والمتذوق للشعر يعرف وش الفرق بين الاثنين

المشاركة الأصلية كتبت بواسطة محمد العبيدي

ولا وراه إلا يضحك الجمهور على الشاعر الي معه

هذا مايسمى شعر يسمى بربرة

شعر المحاورة هو الفتل والنقض بين الشاعرين

[علي بن عباد المطيري]

المشاركة الأصلية كتبت بواسطة ابوتيجان

الشاعر بين والمستشعر بين والمتذوق للشعر يعرف وش الفرق بين الاثنين

هذا زبدة الكلام , وهو الصحيح .


ولو أن الموضوع شمل بشكل متعمد شاعر اسطورة ويعرف من أقصد , وهذا الادخال المتعمد هو السبب الرئيسي للموضوع للأسف .



ومقولة ابو تيجان صحيحة فالمتابع المنصف الواعي لمعنى الشعر ودهاليزه ليس بحاجة لتوصية وشهادة من شاعر حتى يعرف مستوى الشعراء الآخرين .

[ابو فايح]

الجوراسي;
مرور امثالك شرف صدقت الاغلب منها يستحق ان نضرب به الحائط

ابن المحايا

حيالله ابن المحايا صدقت الغالي معروف والرخيص معروف لكن المشكله فاللي ما يعرف يصدق البائع في اي شي!!


ابو ضيف الله

مرورك شرف كبير يا ابو ضيف الله أتمنى أن اراه في مواضيعي دائما وصدقت الجامله موجوده لذا الأفضل عدم تصديق الكثير من ذلك .



شهران يا تاج راسي

هلا وغلا ولاهنت على المرور



ثقيف دام عزها
لاهنت على المرور



محمد ابن رووق
حيالله محمد وجهة نظر نحترمها



الشهراني

حيالله شاعر شهران مرورك عطر الموضوع



عبدالمجيد النفيعي
حيالله عبدالمجيد أنت فاهم خطأ أنا أتكلم بصفه عامه ومن ذكرت أمثله فالموضوع الزبده هل كل ممدوح يستحق المدح وهل نصدق المادح؟؟


راشدالعضياني
حيالله راشد ان كان هذا حال الساحه عموم اجل سلم لي على الشعر ولكن ارى انها بين شعراء محدودين وخصوصا



عبدالله المطرفي الهذلي
حيالله عبدالله وجهة نظر على العين والرأس



مهدي
مهدي حياك الله الواقعيون قليل جدا




ولد الصعيبي;
ولد الصعيبي يا مرحبا أن اتكلم بصفه عامه هل كل ممدوح يستحق المدح ؟؟




فهد الزهراني

حيالله فهد وجهة نظر نحترمها



فالح الشهراني

هلا وغلا صدقت يا فالح الكثير يقدر مشاعر الغير ومن هذا المنطلق قلت ان 80% مزيف



محمد النفيعي
كلام من ذهب يا محمد الله يرحم ابو بدر صدق فيما قال



محمد العبيدي;
لاهنت يا محمد وفعلا ابن شايق والميزاني شعراء لا يختلف عليهم



الدجيماء
مرحبا مليون وجهة نظر رائعه وربما يكون فيها الكثير من الصحه

الثاقب

كلام سليم يالثاقب

ابوتيجان

أرحب يابو تيجان كلام سليم الميدان هو الفيصل

علي بن عباد

سالم حياك الله لكن (إن بعض الظن إثم )

التوقيع

عالم تويتر abofayeh@

[فهد الزهراني]

بشكل عام كلامك صحيح وهذي من الاساليب الخفية التي يلجأ لها شعراء المحاورة من اجل العلاقة اللي بينهم او من اجل المكيده بفلان والرفع من شان فلان.

شخصيا رشيد الزلامي ومستور العصيمي استثنيهم لسبب واحد وهو انهم عندما اشاهدهم واقرأ لهم في اللقاءات احس ان شهاداتهم وآراءهم فعلا تعبر عن مايكنونه في صدروهم والله اعلم.