اول قصيده ~ ! ،،

[& محمد خالد القحطاني &]

هب الهوى في تالي الليل بالضيق=ليلاً يعسعس واخر الليل عسّاس
في حزتن تصفى عليها الطواريق=يصفى عليّ الفكر ويثير هوجاس
أجزل بيوتي من لساني تدافيــــق=وابنى المعاني والمعاني لها ساس
الشعر تآريخ الجدود المطآليــــق=اللي لهم هيبـه وللعزّ نومـــــــــآس
تاريخ ماضي مرتفع بالشواهيق=مقدار هالتاريخ يُرفع بـه الـــرآس

صح الله لسانك على هذي القصيدة الجزلةوأقول اذا كانت هذي هي اول قصيدة
لك فسيكون لك مستقبل فالشعر بأذن الله..
القصيدة :
البحر المسحوب (موزونه)
بداية القصيدة كانت جميلة ومدخل مناسب لها وأتت القافية مميزة
في العجز والصدر (الضيق_عساس)
لاكن الاحظ التكرار فالقصيدة فمثلا
تصفي فالبيت الثاني المعاني فالثالث تاريخ فالخامس
وبهذه لم تتجد الصورة
امافالبيت الثالث كلمة تدافيق لو بدلت الى مدافيق كانت انسب الى
تركيبة البيت مع العلم اني لم أجد لها معنى في اللغة
اما في البيت الرابع الشطر الثاني( اللي لهم هيبة وللعز نوماس)
لو اكملتها وقلت (اللي لهم هيبة وعزن ونوماس ) فهي انسب بكثير
لانك فالاولى لم توضحها بالشكل المطلوب

اتمنى ان تفرد جنحان الخيال والتصوير والبعد عن التكرار الغير لازم
اشكرك على هذي القصيدة واتمنى لك التوفيق