الشاذليه/ للشيخ بن حميد

[محمد الحميدي]

ياسابقي صكوا عليك القبايل
الحضر والبدوان راحوا نحية

قومن من العارض اليا سوق حايل
لاقرب جد ولابهم مرحمية

قامت تروجن بينهم بالشلايل
تعاونوا عقب النقا بالحمية

ياقومنا لاتكثرون العذايل
اشوف لي شق توسع رفيه

ياعنك جتنا من عزيز القبايل
حكام نجد القطع الصيرمية

لو انها من نازحين الحمايل
ماسلت لو شرَه تلاحق ضوية

العمر بيد الله منشي المخايل
حق على الراعي صلاح الرعية

نرد الخطر والعمر لابد زايل
عقب الخطر نشرب ركايا عذيه

إن كان مانرخي رقاب الاصايل
والا منازلنا غدت جاهلية

بدهم الفرنج مطوعة كل عايل
فودن لنا ماقط جتنا حذيه

ومصقلات تودع الراس مايل
من صنع مفراص وساع هويه

إن كان ماترَث يدينا فعايل
يحرم علينا شربة ( الشاذلية )

والزعفران وحب سمر الجدايل
وحط الشحم وسط البيوت الذرية

الحرَ لاصكت عليه الحبايل
يشهر وتاتي له من الله فضية

عاداتنا نروي حدود السلايل
بإيماننا في محتضر كل هيَـة

حريبنا يسهر ونومه ملايل
وألي نسى يوم نجدد كويَـة

وصلاة ربي عـد مازال زايل
على نبي الدين سيد البرية

رحمة الله على الامير الفارس بن حميد

ومشكور أخي الفاضل على الموضوع الطيب

والسلام ختام

التوقيع