بسم الله الرحمن الرحيم
حبيت ان انقل لكم هذي المحاوره الرائعه بين شاعرين قديرين الشاعر فهد بن محمد البراق والشاعر
جمال بن رجاالله المنجومي محاوره من الوزن الثقيل نقض وفتل
اتمنى ان تنال على رضاكم واستحسان ذائقتكم الشعريه
فهد البراق
من بعد غيبه طويله جيت يا راع المواقيف = مدري نقلك هلا والا نقول امع السلامه
يا ساري الليل وش حدك على نور الكشاشيف = النور لو بان في دربك تجلا من ظلامه
جمال المنجومي
ما ردني عنك يا كل الحلا برد(ن) ولا صيف = يذكرك ابو زيد في صحاه وفي منامه
انا اسري الليل مثل الذيب والخاطر كما السيف = ماني كما اللي ليا منه سرى حط اللثامه
فهد البراق
ان جيت اوصفك يا ذيبان يا كثر التواصيف = ما دام ظهر الجمل يا صاحبي عزه سنامه
سيفك تغمد جفيره ما تسنٌا فالمراهيف = وصاحبك ما يلحقه فالدرب لا شك وملامه
جمال المنجومي
ان جيت توصف لقيت اني من اللي يكرم الضيف = اللي يميٌز عيون الصقر من عين الحمامه
ماني بلايم رفيق ٍ ما حسب كثر التكاليف = نقدته امن امس ولاحظ تغير في كلامه
فهد البراق
ودي نسولف ونمزح معك يا راع السواليف = يا لابس الثوب الاسود ما تعصٌبت العمامه
الكيف وسط الدلال الكايفه يا راعي الكيف = والوافيه تلحق الرجال قدام احترامه
جمال المنجومي
لا والله الٌا كبرت وصرت تهوا الناس وتعيف = وانا من اول موشم جلدك ابعشرين شامه
سولف معي يمكن اتذكر فؤادي بالمواليف = ولٌا يعيف الهوا قلبي ولا يذكر غرامه
فهد البراق
يا ذيب ذا الليل وش في حالتك مثل الخطاطيف = ترمي بها دون ما تعرف حلاله من حرامه
يا مخرج القصه اللي قلتها فكره وتأليف = مير البلا حظك المقرود يرجع بالندامه
جمال المنجومي
ابخطفك واعلن التوبه قبل هب العواصيف = وليا نشدنا عرب قلنا هوا قلب ومرامه
والقصه الواقعيه ماهي ابكذب وتخاريف = ما ينكر القصه الا واحدن خبل وهلامه
فهد البراق
عملتك فالسوق ما تقبل لتكرارن وتزييف = خابرك تذري بها سوق الكويت وفالمنامه
يا شيخ لا تخطي ادروب النشاما والعواريف = سوق المطيه وجر اخطاك في درب السلامه
جمال المنجومي
لاو الله الٌا وبنشر موترك بين الحناتيف = بغيت درب الحجاز وطحت في وادي تهامه
هيا معي وزهل الباقي على باريس وجنيف = والجو والشوفه اللي تستحق الابتسامه
وســــــلامتكم
« آخـــر الـــمـــشـــاركــــات »
31-Dec-2009, 08:18 AM
اجمل محاوره بين الشاعرين القديرين فهد البراق وجمال المنجومي
العرض العادي
