معجب العتيبي في المنتدي

[معجب العتيبي]

نفظت الريش يوم ان الطيور تحوم=اشوفك قمت تال الوقت تبرالي
تقوله يوم فالموضوع فرك خشوم=نهار اجندل الاول على التالي

التوقيع

[معجب العتيبي]

خيال الصفرا



الابداع تواجدك


صح بدنك

[معجب العتيبي]

دايم السعد


صح بدنك


شاكر مرورك

[معجب العتيبي]

نايف بن ملحق الثعلي

يامعجب منتدانا صار فيه علوم=اجي واروح عيا ينشرح بالي
لاكنك ويش رايك ياحلال القوم=عسي ربي يزين وقتنا التالي

معجب العتيبي

علوم المنتدى في كل ليل ويوم=طبيعي لاتضايق يابعد حالي
انا عمك عسى ماشر يامنجوم=عسى مافيه احد معطيكم الصالي

نايف بن ملحق الثعلي

صحيح الناس احد معطي واحد محروم=وانا شوفك تخلط المر بالحالي
ياكثر الناس احد ظالم واحد مظلوم=ومعجب من حياته ماشرا الغالي

معجب العتيبي

احد مهموم واحدن ماعليه هموم=وانا اشوفك تجر الصوت وتلالي
يابن ملحق لنا شيمة عرب وسلوم=مانرضى الذل دايم راسنا عالي

نايف بن ملحق الثعلي

بن ادم يالعتيبي ياخذ المقسوم=وانا ياصاحبي معروف منزالي
حداك الوقت وانته برطمك مشروم=لاكنك لاتصيح في الخلا الخالي

معجب العتيبي

نفظت الريش يوم ان الطيور تحوم=اشوفك قمت تال الوقت تبرالي
تقوله يوم فالموضوع فرك خشوم=نهار اجندل الاول على التالي

[نايف بن ملحق الثعلي]

تراناخابرين الطير ابو زلقوم=لاكني ماشريت الطير من مالي
ليا جت للمواقف عود ومهزوم=تري حنالنا تاريخ وافعالي

التوقيع

ما هوب لازم توقيع00

[معجب العتيبي]

ازعل قوم بالمفتول والمبروم=واسج الرجل في دربي على فالي
على بعض الدعاوي ماني بملزوم=ترا مانته بلا عمي ولاخالي

[قادح شرار]

معجب ونايف ..

طاروق رائع ..

صحت أفكاركم ..

[نايف بن ملحق الثعلي]

اعرف الفرس يامعجب واعرف الروم=واعرف الناس رجليه وخيالي
تري بنت الهلالي خدها ملطوم=ودمع العين فوق الخد همالي