العمــــــدة
يا علي متهم وأصابع الاتهام=كلها صوب شخصك مشره مشره
لكن احسب حسابك والهمام الهمام=والقلم شرهته ترجع على المحبره
علي فلاح العضياني
العزيز اتّهم يوسف عليه السلام= و السبب بعد ما قدّت قميصه مره
كلّ ما يحلم النايم بحلو المنام=قال بالله تكفى يا علي فسّره
العمــــــدة
مالك اللي تسوقه في طيور الظلام=كل رجل ً من اهـــل العرف جاب اخبره
ما نفعت الفقير ولا شحنت الكــــرام=وان بغيت الحقيقة يا علي وفره
علي فلاح العضياني
الحكومه هم اللي يرسمون النظام= دربهم مستقيم و كنّه المسطره
فيه رزقٍ حلال و فيه رزقٍ حرام=من توسّل بغير الله ما ينصره
العمــــــدة
كل الابواب مفتوجة وبين الزحام=طالب العلم ما يومن على دفتره
لا تكسر عظام ولا تجبــر عظام=التقـــارير تكشف صورة الحنجره
علي فلاح العضياني
من سكن فالقصور يعاف بيض الخيام=يحمد الله تعالى ربّه و يشكره
سجّل اسمك بنفسك في سجلّ الدوام=و اترك الهرج مالك من وراه ثمره
العمــــــدة
الادلة مع الهيئة وبيض الحمـام=نقــــدر نميـزة من بيضة الحمره
قسم ابو زيد ياللي تجهله فالسنام=وان تولى شقاوي صنفره صنفره
« آخـــر الـــمـــشـــاركــــات »
28-Dec-2009, 04:01 PM
العرض الشجري