انا كيف أبسلى من هموم الهوى وأرتاح؟؟؟؟؟؟

[ابن نخيلان]

السلام عليكم ورحمة الله وبركاته

أخواني مشرفين وأعضاء ومتصفحين وزوار منتدى الهيلا

أختار لكم هذه القصيدة الغزليه القديمه (لكنها قريبها مني لأن العاطفه فيها صادقه)

وإليكم القصيــــــــــــــــــــــــــدة

أنا البارحه سهران لين الصياح أنباح = وأعد النجوم الساريه في مساريها
وأسولف على نفسي وأغني مع المسباح= مشاعر شعور(ن) صادقه يوم أغنيها
هجوسي كماطيرن يلوح له الملاواح= وأنا اللي على جزلات الأمثال داعيها
وأبشكي لبو محمد وبشكي لبو فلاح = رجالن تقدر خوة اللي يخاويها
وأخص الاديب اللي بحر الشعر سباح= أبومحمد اللي عارفن في قوافيها
أنا كيف أبسلا من هموم الهوى وأرتاح = وأنا اللي خيالي كل ليله يطريها
أسرني بحبه وأمتلكني بدون أسلاح = عسى الله يكافي من سواين أيسويها
وأنا لو أبا صفها ترى زينها فضاح = قمر خمس زايد عشر والنور غاشيها
وشعرن سوات الليل فوق الردايف طاح = عن البرد ولاهوب السمايم يذريها
وله ضحكتن تشبه لبرق الحياء لا لاح =وأنا أقول براق الحياء بين أشافيها
آلا واعذاب المغرم اللي يصيح أصياح =ويجر الونين وعبرت البعد يخفيها
آلا واعذابي دونها القفل والمفتاح= وبني عمها اللي ساكنين (ن)حوليها
حدوني عسى يحداهم المجرم السفاح =حدوني وأنا اللي ياعرب مغرمن فيها
ألا يازهور الورد ياعطرها الفواح =ألا ياهبوب الريح لزين وديها
وألا يانجومن فالسماء نورها وضاح = أبه نجمة(ن) عن باقي النجم نغليها
ياما حلا بعد العصر حزت المرواح = على اللي بعيدات المسافات يطويها
ليامن مسك درب الرياض وطريق أرماح=وتعدى طويق وديرة الزين ناصيها
ترى ديرته في نجد غرب(ن) عن السرداح = ديارن عسى وبل المخاييل تسقيها
أقوله وأنا اللي عارفن ردها ياصاح=أعرف العلوم المقبله من مقافيها
ولكن شئ (ن) في ضميري عليكم باح = الأسرار للي مثلكم مانخفيها

آخر تعديل ابن نخيلان يوم 17-Dec-2009 في 12:47 AM.

[ناصر الجلاه]

..

ابن نخيلان

..


صح لسانك ياصديقي


غزليه شفافيه لله درك ياذيبان

يشرفني المقعد الاول

تقبل حضوري وإعجابي

دمت

..

التوقيع

القصيد اللي معانيه وبيوته = بالاشاده والشهاده يمتلكها ماكسبها من تحت كمه وكوته=لارسمها بالهواجيس وحبكها جمل الله حال من جمل ثبوته = وانتخى دون الجميله ماتركها كل متذوق لنا يدلي بـ/صوته=السعوديه .."حمد" (شاعر ملكها) آلف آلف مبروووك لقب شاعر الملك يا د. حمد العصيمي لتواصــل على الايميــل الجديد n200m@hotmail.com

[ابن صنهوت]

صح لسانك ياتبن نخيلان

[عبدالله الفرهود]

ابن نخيلان

ما شاء الله عليك

قصيدة رائعة

و شاعر مميز

صح لسانك مدد بلا عدد

وفقك الله

[ابن نخيلان]

صحــــــــــــــــت أبــــــــدان الجمــيـــــــــــــــــع




ناصـــــــــــــــــــــر الجـــــــــــــــــــــــــــــــــــــــــــلاه

آسف
آسف

مأنت بصديقي أنت (آخــــــــــــــــــوي)
وانت راع الأوله....


الأخ/ ابن صـــــــــــــــــــــهنوت


والأخ/ عبـــــــــــد الله الفرهود

ومروكم شرف لي ؛ ولكم جزيل الشكر من أعماق قلبي
تقبلوا تحياتي ؛؛؛؛؛؛؛؛


شكـــــــــــــــــرآ للجميــــــــــــــــــــــــع

[محمد مذكر المغيبي]

فوووووووووق

ياالغزل العفيييييييف

ابن نخيلان يخوي ابطينا ماسمعنا ولاقرينا

مثل ها القصيد العذب

نعم غزل جميل عفيف وطرق مميز

والله اني ماعاد صرت اكتب الغزل لكن

الليا شفت مثل هاالشامخة يهزني الشوق

وانت بحقيقة وبعيدٍ عن المجاملة

طرقت كل ابواب الابداع والتميز في طيات هاالشامخة

اللي ارفع العقال والشماغ والطاقية لها

ولااملك اتجاه هاالدرة الا ان اقول بيض الله وجه مهندسها

وشاعرها المميز

تقبل تحياتي

[ابن نخيلان]

محمـــــــــــــد مذكـــــــــر المغيـــــــــــــــبــــــــي

صح بدنك يأخي وشكرآ على هذا الأطراء الجميل ولك شكر ي من أعماق

قلبي ، ولا عليك زود فأنت أطيب مني في حبك القاف وسبكه


تقبل تحياتي ,,,,,,,,,,,,,,,,,,

وشكــــــــــــــــرآ لك مــــــــــــره آخــــــــــــــــرى

[السيف شاماني]

ابن نخيلان



صح لسانك مليوووووووووووووووووون



غزليه جزله..............................



تقبل تحياتي وتقبل مروري


سجل أعجابي