العمده =
يالمهندس كيف عايرت بالبندق خلاف=ناوي تصوب قبيلة وتسري فا لخفـا
ما دريت إنا عرفناك من تحت اللحاف=وانته الليلة تحت رحمة أصحاب الوفا
مهندس القاف=
من يصير خلافهـا لايـذل ولايخـاف=يروح البارود من بنـدقٍ ترمـي قفـا
عرفنا مكسب وعرفك مع اصحابك يعاف=علمه ماهمنـي لـن سخـط والا عفـا
العمده =
حاسبينك درع واثرك سريع الانحراف=في ضميرك علم خافي وقلبك ماصفـا
لا تطيع ابليس وانته عظيماتك صخاف=ثم يشتالك ويرميك من فـوق الشفـا
مهندس القاف=
مانكب اصحابنا لو ضمايرهـم نظـاف=مار صرتوا تالي الوقت مانتم بشرفـا
لو اطيعه صرت مثلك مسجل في قطاف=اعبد اللي عن عبـاده بعينـه ماغفـا
العمده =
من قضى ليله قيام ..ونهاره في طواف=ما تهمه كلمـة اللـي يصـرح فالدفـا
يا مسرحها هلايم .. مضويها خفـاف=خابرينك مانـت والله نبـيً مصطفـا
مهندس القاف=
والله ان سنينكم كلها سبـع عجـاف=وان ذكري مثل ذكر السحاب اليا لفـا
لوسرحنا بك ضوينا على الدار الجفاف=مار اكل من ماتيسر بعد طـال الجفـا
العمده =
ذكر ربي خير والا ذكر هيكل منـاف=ما جلب للناس خيراً ولا شـراً كفـا
هقوة السرحان ماهيب في جد الخراف=علمه لا عاد يوقف بموقـف مؤسفـا
مهندس القاف=
انت تذكر مثل بيض السمانا ماتشاف=والعرب ماترغبه في ثراء والا صفا
قلت له عود لكنه على المرحان حاف=قال :قل: للعمده انه بجده مـا اكتفـا
العمده =
بينك وبين البعير العماني يالمضـاف=القدر سيفه ثنى والستر ثوبه ضفـا
لو تحاول ما معك حيل فالسم الزعاف=ابتلعتـه بلـع لكـن لعلـه بالشفـا
مهندس القاف=
يامنادي للبحر بالمجاديف الضعـاف=قبلكم فرعون في موجه العايم طفـا
نشكرك على الحقايق وقول الاعتراف=عقب سم الداب ابوناب في عرقك طفا
الله الله
عليكم يامجرمين الابدااااع
صح لسااااان
العمده
مليووون
وصح لسااااان
مهندس القاف
مليووون
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|
« آخـــر الـــمـــشـــاركــــات »
22-Dec-2009, 11:00 PM
العرض العادي
