ولا ياللي سلبت عقول عشّاقك وكلك ذوق

[عبدالمجيد الثعلي]

المشاركة الأصلية كتبت بواسطة عبدالله الاصعر

ولا ياللي سلبت عقول عشّاقك وكلك ذوق=انا داخل على الله لاتعذبني وتجفاني
انا في حبك الهايم ويدفعني عليك الشوق=ذبحني حبك ولا فيه غيرك واحد ثاني
معك قلبي نهبته ثم خليته بلا معلوق=هذا والله خطى تاخذ معك قلبي وتنساني
ترى بين المحبين المحبه يالغضي برفوق=ماهي جور وجفى وانته غلاك الصلف عناني
تعنيني وانا خابرك مالك من وراي حقوق=اثر مافيك رحمه للذي عليك شفقاني
يابوعين(ن)تشابه عين شيهان بدون سبوق=وحش من خلقته ماقرنسوه طوال الايماني
يابو خدن كما نون سرى ويلوح فيه بروق=خيال الصيف يسقي كل عرق كان ضمياني
ولك منطوق مثله ماسمعت من البشر منطوق=ليا اوحيته عطيته وجه من خوف ايتعداني
ولك عود(ن)سوات الخيزران ايلين مابه عوق=وجيد(ن)لو تحط به الذهب مانته بخسراني
حرام(ن)لوتمشي نصف ساعه بالقدم فالسوق=من ايشوفك يروح وخاطره ماهوب نشطاني
ولا ياللي سلبت العقل من يوم كلك ذوق=انا المجني عليه الطف بحالي وانته الجاني

الله وأكبر


يالأصعر


صح لسانك وأبيّض وجه على هالشعور

اللي تقلب المواجع لقلوب أهلها



مشاعر مدهشه كدهشة روعة الأبيات