مساجلة عبدالله بن عون وراجح العجمي

[سيف العجمان]

عبدالله بن عون
ياخوي الجنب حسب الميانه والمزاج = كان ودك تعفي البال من حنكلته
ودنا فالعيد بمعايدة راعي عجاج = الخطيب الشاعر اللي نحب جبلته
مالنا لاهنت مجناب عن سفر الحجاج = لين ننهل من حديثه ونشرب دلته
ودنا للمارد العذب ماهوب الهماج = وش نبي باللي وجوده يشابه قلته
ودنا اللي مايضيف ضيوفه بالدجاج = وصاحبه يرفى خماله ويدمح زلته
من نسانيس المفاريد وعيال النعاج = يحتسي ملىء الصياني وهاذي ملته
مير غازي مالنا في مخاواه إندماج = كيف نقدر نخفي اسرارنا عن شلته
ان درى جاء له علينا تشره واحتجاج = وحجته لو حولت فوق ضلعن هلته
مثل يوسف مالنا في منازعته خراج = حد باتوعٍ شطير تروع سلته
والنزاع الليا تكرر ترا ماله علاج = يبتلش به صاحبه لين تبدى خلته

راجح العجمي

ياكريمٍ مالنا في كنف غيرك ملاج = سهل اللي كل قدراتنا ما حلته
باديٍ مبدأ مطلٍ على خدٍ زراج = وقبل اعدي فيه شقر الحرار احتلته
واتمثل في سعاده وفرحه وإبتهاج = واتحرى جيت اللي تنومس طلته
رفقته بين المطاليق فوق الراس تاج = ومن دعاه وزار بيته يشرف حلته
في كلامه لاهل الهم ونسه وانفراج = وللجزيل من المعاني هجوسه دلته
شاعرن ياتيك بالبيت مافيه إعوجاج = ويتفنن فيه كنه يعمر فلته
المحيط اللي الى زاد طوفانه وهاج = شفت فاطراف السواحل نوادر غلته
تحت نور الشمس لا بان تلتعج إلتعاج = وكل من له شف فيها يعبي سلته
في زمانن ساحة الشعر كنها في حراج = لين ضاقت به عزاز النفوس وملته
سببوا لناس رجه وصجه وإنزعاج = شلةٍ تبغي طريق القصيد وظلته
كون عبدالله ومثله يسوي له مساج = لين يجبر من كسوره وتشفى علته
يابو نايف وقتنا فيه هزه وإرتجاج = خل غازي عن يمينك لا عاد تفلته
واما انا لايمكن احط من دونه سياج = ماتخلى عن خليلٍ تنومس خلته

آخر تعديل سيف العجمان يوم 09-Dec-2009 في 09:51 PM.

[أبونواف]

صح لسان الشاعر عبدالله بن عون
وصح لسان الشاعر راجح العجمي

ولاهنت أخوي سيف العجمان على النقل ..

[سيف العجمان]

يامرحبا يابونواف ولاهنت على المرور

[ابن طامي]

صحت ألسنتهـم ..

ومساجلة ، رائعة

أعجبتني هالبيـتين , لـ راجح

المحيط اللي الى زاد طوفانه وهاج = شفت فاطراف السواحل نوادر غلته
تحت نور الشمس لا بان تلتعج إلتعاج = وكل من له شف فيها يعبي سلته



لاهنت , ياسيف العجمان


.

[ولدعساف]

صح لسان الشاعر عبدالله بن عون
وصح لسان الشاعر راجح العجمي

ولاهنت أخوي سيف العجمان على النقل ..

التوقيع

قال أبوبكر الصديق - رضي الله عنه - ( الموت أهون مما بعده، و أشدّ مما قبله ) حسبي الله ونعم الوكيل كتبت وقد أيقنت يوم كتابتي .. بأن يدي تفنى ويبقى كتابها فإن كتبت خيراً ستجزى بمثله .. وإن كتبت شرا عليها حسابها

[سيف العجمان]

المشاركة الأصلية كتبت بواسطة ابن طامي

صحت ألسنتهـم ..

ومساجلة ، رائعة

أعجبتني هالبيـتين , لـ راجح

المحيط اللي الى زاد طوفانه وهاج = شفت فاطراف السواحل نوادر غلته
تحت نور الشمس لا بان تلتعج إلتعاج = وكل من له شف فيها يعبي سلته



لاهنت , ياسيف العجمان


.

يامرحبا يابن طامي ولاهنت على المرور

[سيف العجمان]

المشاركة الأصلية كتبت بواسطة ولدعساف

صح لسان الشاعر عبدالله بن عون
وصح لسان الشاعر راجح العجمي

ولاهنت أخوي سيف العجمان على النقل ..

يامرحبا ياولد عساف ومن قال مايهان