الصقيل المجرب
الحيه اللي تنقل السّم الذحاح=ماتت ومات السم فآخر ذيلها
مابقي الأ الشايب اللي فالمراح=يبكي ويومه يقترب من ليلها
ابن عاقل
صحتوا علاها مار ما تحمل صياح=اليا وطيناها قطعنا حيلها
من شان مفلح ياولد يكرم فلاح=يمكن على دوراتها يصحيلها
الصقيل المجرب
المجد ماهو بالصياح وبالنياح=كم حملةٍ في ظهركم وتشيلها
ماعاد ينفع ياولد غير السلاح=قلنا تعدل وجاتنا مع ميلها
ابن عاقل
المجد عنك ابعد من بلاد الصباح=دام المعانـي فاتكـم تحليلـهـا
انا احسبني واردن عدن قـراح=واثر الاسامي غرنـي تهويلهـا
الصقيل المجرب
المسلم يلبي ويأتي للفلاح=ماله ومال المعصيه يوميلها
بعض العرب مايحتمل زرق الرماح=آآسامحه والبن يسبق هيلها
ابن عاقل
ودانّي انجحك وتوفق نجاح=مار الرجال عقولها دليلها
سامحتني ياصاحبي وانته سماح=بعض السوالف مانبى تفصيلها
الصقيل المجرب
دنّ الرعد وخيالها فالبرق لاح=الله يستر لا حداكم سيلها
ياصاحبي والصبح تصبح ياصباح=لاتلتوي وتجيك مع تحويلها
15-Dec-2009, 08:25 PM
العرض المتطور
