سعد حميد الثبيتي
سلام رديه تهيض ابها الصدور= ردية مامثلها في حلها
نبا لنا شاعر يميز فالامور= وان صعبت الاريا يعرف يحلها
معجب العتيبي
يامرحبابك يالمسلّم والحضور=فالحله اللي ضيفها ماملّها
هات العلوم اللي تزيد النور نور= والثانيه يابن حميد افطنلها
سعد حميد الثبيتي
دام البقا والبيت بالطيب معمور= حلة عتيبه ماتغير دلها
جاني خبر سائق موقف فالمرور= قالوا مخالف والاشاره زلها
معجب العتيبي
الطيب فأهل الطيب بيّن ومخبور=يمشى وخطوات الوفا يمهلّها
السايق اللي لايلف ولايدور=محدن يجيه ووجهته ياصلّها
سعد حميد الثبيتي
مافيه شك و لاش نقص ولاقصور= عين الصواب وكلمتك فمحلها
اللي يشب النار من تحت القدور= بكره يجيكم بالسيوف يسلها
معجب العتيبي
علم بها اللي ماسمعها من شهور=معميه ربي عن حياته كلها
اللي زعل يشرب من اعماق البحور=ماهوب كفوٍ للسيوف يشلّها
سعد حميد الثبيتي
لو به حياه اوحى ولا اخطى كل شور= دامه بنايفة القصور وظلها
المشكله فاللي يسمن كل ثور= ماهو بسالم من قرونه كلها
معجب العتيبي
لو كل واحد يسمع النصح بسرور=ويطبقه كان السعاده دلّها
الصقر مايحسب عل غير الصقور= في ماقفه كل لكبود يبلها
سعد حميد الثبيتي
فرعون طاغي والطغى ولد غرور= ارهى على الدنيا يبا يحتلها
لوطاع موسى كان في جنات حور= مير البلا شيطان نفسه ذلها
معجب العتيبي
من طاوع الشيطان يقمح ومعثور=بكره دموعه من عيونه هلّها
هذي حقيقه من قديمات العصور=اللي يبا البيضا يبا يدّلها
« آخـــر الـــمـــشـــاركــــات »
14-Dec-2009, 10:23 PM
العرض الشجري