ياروق يانص القبيله

[برقاوي البرقاوي]

السلام عليكم ورحمة الله وبركاته

ياروق يانص القبيله بعد ما جينا سلام=انتم تراكم نص منتم بالقبيله كلها
غنيتها حتى اختصر ياربعنا بعض الكلام=واللي يواجه مشكله لازم يدور حلها

[مشاري الحبردي]

وعليكم السلام


وصح لسانك وننتظر الشاعر

[مرجح الميزان]

..

يا مرحبا بك .. والنظام ان كنت تجهل بالنظام=عتيبه الهيلا سوا .. وتموت ما تاصلها
وان كان في خشمك عرام الفرك هو طب العرام=يقولها راس المقاطي والهجوس تسلها

[برقاوي البرقاوي]

صح لسانك يامشاري

ولاهنت على مرورك

[صدام الروقي]

كفو يامرجح والله انك تنومس وردك لسان حال كل عتيبي

لكن برقاوي اعتقد قصده تحميس صفوف

[خيال الأصيله]

الله الله


صحت السنتكم



مرجح الميزان كفيت ووفيت يالقرم رد وافي وووصح اللسانك مليون



واصلووووووووووووووووووا وانا في صف مرجح الميزان

[ولدعساف]

مرجح نعمن بك وبربعك المقطه وعتيبه كلفه وكفيت وفيت

التوقيع

قال أبوبكر الصديق - رضي الله عنه - ( الموت أهون مما بعده، و أشدّ مما قبله ) حسبي الله ونعم الوكيل كتبت وقد أيقنت يوم كتابتي .. بأن يدي تفنى ويبقى كتابها فإن كتبت خيراً ستجزى بمثله .. وإن كتبت شرا عليها حسابها

[برقاوي البرقاوي]

دام البقا والمعرفه للي يبا راس السنام=واللي يحب الطيبه قال المثل يحتلها
ياصاحبي بالهون مانقص لناس احترام=إن كنت ضايق من هروج الناس روح وخلها

[برقاوي البرقاوي]

خيال الاصيله

ولد عساف


حياكم الله

[مرجح الميزان]

..

اليا بدا ما بين منطوقك ومقصدك انفصام=الله يعينك ترقب الدبجه وتونس غلها
بمشي معك لكن لزوم انك تسوك بالبشام=وأهل الوفا لو طالت الطرقه بهم ما املهاا

آخر تعديل مرجح الميزان يوم 10-Dec-2009 في 08:11 PM.