قلعه جيزان [الدوسريه]

[صدق الوعد]

يا صادق الوعد الله يصلحك

أستحلفك بكل ما أمنت به العرب أنك ما عاد تكتب هالخزعبلات في المنتديات

.................................................. .................................................. ...........

يا مسلم الصح معروف( ومعروف من اللي لهم دور في معركة جيزان) وين ال بوسباع وين ال نادر وين الشريف خالد بن لؤي وين المهذاب و ين أبن هميل وين الدواسر وين ربعك الولامين كلهم ,اللي ماتوا في هالمعركه وفقدو أبائهم واجدادهم .

يا صادق: اللي ما يذكر فعايل الرجال ولا ينسبها له لحاله , هذا ناقص و ما فيه خير .

الصح اللي ما يعجبك بأختصار وخل علومنا بينا : ( واحد أنقتل واسمه عبدالله بن درعان في أول يوم في المعركه مع الأمير فيصل بن عبدالعزيز رحمة الله عليه, وكان ولي للعهد في ذلك الوقت يوم لحقو البلك الأول بقيادة بن نادر والثاني سعود بن عماش اللي أنشال من أمارة الفوج الثالث بجده لغضب الملك فيصل عليه ) وأنتهت السالفه هذا اللي يخصك ,كل ما سألوك الرجال قلت أنها موجوده في دارة الملك عبدالعزيز للبحوث , وينها ( جبها خلنا نشوفها) . .......................................

وبعدين جالس تعد علينا العائله الكريمه ( أسمائهم , ومن هم عيالهم, ووضائفهم ) وش دخلنا !!

ال درعان كفو ,بس أبعدهم عن سوليفاتك هذه , ولا تهرج فيهم والنعم فيهم من دون كلامك هذا !!!!!!

.................................................. ....................................

والله والله والله أنني لست متحيز مع أحد بعينه .

ولكن نبغى الصح واللي يعرفونه الدواسر كلهم وخاصة كبار السن واللي ما يدرون عن علومك هذه !


وأضحكني واحده من خزعبلاتك عند قولك في احد المنتديات:
( ان الملك بغى يسمي القلعه الدوسريه بـ القلعه الدرعانيه بس الشيخ سعود بن عماش ما طلع أناني وقال يا طويل العمر سمها الدوسريه عشان ربعي ما يزعلون علي )
وش هالخرفات والأستخفاف بالعالم !

سميت بالدوسريه لأنهم هم أهل هذه المعركه هم اهل الفعل, واكثر من مات فيها هم الدواسر وهم اللي عليهم الكلام في هالمعركه وسميت بأسمهم تخليداً لفعلهم وشجاعتهم في هالمعركه .

لا تزعل من ما ذكرت بس والله من مصلحتك







تقبل مروري بود

آخر تعديل صدق الوعد يوم 04-Dec-2009 في 06:32 PM.