السنحاني
يقولون به عمده وبه حي معمور=وانا اقول يا مال السحاب ورعوده
بسلم وانا ما شفت ناصر و منصور=وعسى الحلم ياهل العرف تصدق و عوده
العمــــــدة
نجوم السماء فوق العرب وانت معذور=تغرك عمـــايل بيض وقتك وسوده
تجود بمدك لين يبدى على النور=وسوق الجمل والا مع الدرب قوده
السنحاني
يدور الفلك و الشمس ياهيه ماتدور=ومن غط نور الشمس باحت سدوده
ترى الوقت وقت الضد و الضد مسرور=عقدنا الحبال وعادتنا امعقوده
العمــــــدة
قبل عام تسعه ماعرف العمي والعور=وتــو الخبـــر جتني تسوقه شهوده
على البحر الاحمر كان رسيت بابــور=كسبت الحياة وكل رجل وجهوده
السنحاني
قبل عام تسعه و انت منهي و مامور=وفي كل عام انقول لا يا وجوده
ترى البحر حوت وقرش واصغار هامور=وياكم حسبنا والبحر من يقوده
العمــــــدة
من اي البشر قدام اسلمك مخفــور=لمركز يرحب فيك حضرة جنوده
بعض خلق ربي مات ما شاهد الكور=ومن حسرته يلطم بكفه خدوده
السنحاني
عسى ما نطيح بيد حفار الاقبور=ويبلش بنا منهو يشمر زنوده
ويش اللي لقيته يوم تبرك على الزور=نشوف الغورلا بعد جابت قروده
العمــــــدة
تعثرت فيها وانت ما انته بمعثـــور=ياليـــت اليمن عنّا ململم زيوده
طلاسم ودنيا حيرت محكم الشور=اقول العقيمة.. قال لابداً ولوده
السنحاني
عسى الله يسامح صاحبي ما كثر الجور=وحنا نرد اهل اليمن عن وروده
انا اقول مزروعه ولا احب انا البور =ولو كنت بور الارض طاحت وروده
العمــــــدة
مع الباب ندخل وانت تقفز على السور=وبيت الشــــرف ما عزه الا عموده
توكد بنفسك من حبيـــب ومستور=انا ... مسني الوديان ماشفت فوده
السنحاني
ليا صرت فالدنيا ميعنا ومجبور=فكل(ن) على قسمه وقسمة جدوده
تسوق الشباب الشيب والبندق اتثور=نولع حطبنا يوم زادت وقوده
العمــــــدة
ترى مستحيل السرج يركب على الثور=لو ان الثمودي ينتخي في ثموده
نشدتك من اي القوم والقـــرم مخبور=يسمي جبل ويقول انا من فهوده
السنحاني
ترى اطويق إله ذيب(ن) من العام مخبور=يعرفونه العتبان في ساعة صعوده
تفقد وعد الحب ياالطاير العصفور=وكم من عقيد(ن) صارت ايديه معقوده
« آخـــر الـــمـــشـــاركــــات »
03-Dec-2009, 10:20 AM
العرض المتطور
